ភ្នំពេញ៖ មន្ទីរពេទ្យមិត្តភាព ខ្មែរ-សូវៀត នៃក្រសួងសុខាភិបាល មានទទួលការវះកាត់ សួត ទ្រូង ជាមួយគ្រូពេទ្យឯកទេសជំនាញមកពីប្រទេសបារាំង​ និងគ្រូពេទ្យដែលមានបទពិសោធន៍យូរឆ្នាំ នៅមជ្ឈមណ្ឌលឯកទេសជំងឺ សួត ចាប់ពីថ្ងៃទី១៣ ​រហូតដល់ថ្ងៃទី១៧ ខែមីនា ឆ្នាំ២០២៣។

បើតាមលោកវេជ្ជបណ្ឌិត វ៉ា ម៉េង ឯកទេសជំងឺសួត និងជានាយផ្នែករង ក្តោបក្តាប់រួម នៃមជ្ឈមណ្ឌល​ឯកទេសជំងឺសួត ថ្លែងប្រាប់BTV ព័ត៌មាន ថា នៅថ្ងៃទី១៤ ខែមីនានេះ ក្រុមគ្រូពេទ្យនៃមនី្ទរពេទ្យ​មិត្តភាព​ខ្មែរ-សូវៀត និងក្រុមគ្រូពេទ្យ Air Khmer មកពីប្រទេសបារាំង ​បើកការពិនិត្យ ព្យាបាល វៈកាត់សួត ទ្រូង ជូនប្រជាពលរដ្ឋ។ ដូច្នេះក្នុងករណីដែលប្រជាពលរដ្ឋក្មេង ចាស់ ប្រុស ស្រី មានបញ្ហាក្អកធ្លាក់ឈាមរ៉ាំរ៉ៃ ផ្សិតក្នុងសួត ទឹកដក់នៅក្នុងស្រោមសួតរ៉ាំរ៉ៃ បញ្ហាមហារីកដំណាក់​កាល​ដំបូង ឬក៏ដំណាក់កាលអាចព្យាបាលបាន ​និងពិបាកក្នុងការព្យាបាល គឺបងប្អូនប្រជាពលរដ្ឋ​ទាំងអស់ សូមអញ្ជើញមកទទួលការព្យាបាល នៅមនី្ទរពេទ្យមិត្តភាពខ្មែរ-សូវៀត ផ្នែកមជ្ឈមណ្ឌល​ឯកទេសជំងឺសួត ធ្វើវៈកាត់ព្យាបាលជូន ​បានយ៉ាងល្អ ​ជាមួយនឹងក្រុមគ្រូពេទ្យឯកទេសជំនាញ សុទ្ធសឹងតែជាសាស្រ្តាចារ្យ ដែលមានបទពិសោធន៍ នៅប្រទេសបារាំង ជាយូរឆ្នាំ។

សូមបញ្ជាក់ផងដែរថា មជ្ឈមណ្ឌលឯកទេសជំងឺ សួត ​បានដើរតួនាទីយ៉ាងសំខាន់ ដើម្បីជួយ​ដោះស្រាយ​បញ្ហាសុខភាពរបស់ប្រជាពលរដ្ឋនៅក្នុងមនី្ទរពេទ្យមិត្តភាពខ្មែរ-សូវៀត ក៏ដូចជាការដើរ​តួនាទីមួយ​យ៉ាងសំខាន់ក្នុងការជួយដោះស្រាយបញ្ហាសុខភាពរបស់ប្រជាពលរដ្ឋនៅកម្ពុជា ដោយ​មិនគិតថាមានថវិកា ឬមិនមានថវិកា ឬក៏ប្រជាពលរដ្ឋមានជីវភាពកម្រិតមធ្យម និងកម្រិតខ្ពស់​នោះទេ គឺមជ្ឈមណ្ឌលឯកទេសជំងឺ សួត ទទួលបំរើការ នៅក្នុងការផ្តល់សេវាថែទាំសុខភាព​ជូនប្រជាពលរដ្ឋទាំងបច្ចេកទេស ​និងការពង្រឹងទៅលើវិស័យវេជ្ជសាស្រ្តឲ្យកាន់តែទំនើប៕អត្ថបទ រដ្ឋា