ភ្នំពេញ ៖ នាល្ងាចថ្ងៃទី១៨ ខែមីនា ឆ្នាំ២០២៣ សហភាពសហព័ន្ធយុវជនកម្ពុជា (ស.ស.យ.ក) បានរៀបចំការប្រកួតបាល់ទាត់ដណ្តើមពានរង្វាន់ “មិត្តភាពយុវជន ស.ស.យ.ក អន្តរក្រសួង-ស្ថាប័ន” វគ្គផ្តាច់ព្រ័ត្រក្រោមអធិបតីភាព ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន អមដំណើរដោយថ្នាក់ដឹកនាំក្រសួង និង ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក) ព្រមទាំងសមាជិក សមាជិកាជាច្រើនរូប។

ការប្រកួតវគ្គផ្តាត់ព្រ័ត្រនាឱកាសនេះ គឺជាការជួបគ្នារវាង ក្រុមបាល់ទាល់យុវជនស.ស.យ.ក. វិស័យសាធារណការ និងដឹកជញ្ជូន និង ក្រុមបាល់ទាល់យុវជនស.ស.យ.ក. វិស័យសុខាភិបាល។ ជាលទ្ធផល ក្រុមបាល់ទាល់យុវជនស.ស.យ.ក. វិស័យសាធារណការ និងដឹកជញ្ជូន យកឈ្នះដោយពិន្ទុ៤ ទល់នឹង៣។ ក្នុងនោះសមាជិកក្រុមបាល់ទាល់យុវជនស.ស.យ.ក. វិស័យសាធារណការ និងដឹកជញ្ជូន ក៏ទទួលបានពានរង្វាន់ គ្រូបង្វឹក និង អ្នកចាំទីល្អជាងគេផងដែរ៕