ព្រះអគ្គិជ័យកីឡាត្រូវបានប្រោសព្រះរាជប្រទាន ដល់អត្តពលិក មុនធ្វើដំណើរទៅប្រទេសអាស៊ានទាំង ១០

2023/03/21 09:58:06 am        224

សៀមរាប៖ ព្រឹកថ្ងៃទី២១ ខែមីនា ឆ្នាំ២០២៣ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះរាជហឫទ័យប្រោសព្រះរាជប្រទាន ព្រះអគ្គិកីឡា សម្រាប់ការប្រកួតកីឡាអាស៊ីអាគ្នេយ៍ និងអាស៊ានប៉ារ៉ាហ្គេម ឆ្នាំ២០២៣ នៅប្រាសាទអង្គរវត្ត ។

ព្រះរាជពិធី ក៏មានការអញ្ជើញចូលរួមផងដែរពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មន្ត្រីជាច្រើនរូបទៀត ព្រមទាំងមន្ត្រីជាន់ខ្ពស់ក្រុមប្រឹក្សាកីឡាអាស៊ីអាគ្នេយ៍ និងអាស៊ានប៉ារ៉ាហ្គេម និងសិស្សានុសិស្ស យុវជនកាយារិទ្ធ យុវជនកាកបាទក្រហមកម្ពុជា និងភ្ញៀវទេសចរជាតិអន្តរជាតិយ៉ាងច្រើន។ អ្វីដែលកត់សម្គាល់បន្ថែម ព្រះរាជពិធីធ្វើឡើងស្របពេលសមរាត្រី ព្រះអាទិត្យរះចំកំពូលប្រាសាទអង្គរវត្ត។

ឯកឧត្តមបណ្ឌិត ថោង ខុន ប្រធានក្រុមប្រឹក្សាកីឡាអាស៊ីអាគ្នេយ៍ និងជាអនុប្រធានអចិន្ត្រៃយ៍គណៈកម្មាធិការជាតិរៀបចំការប្រកួត ស៊ីហ្គេម និងអាស៊ានប៉ារ៉ាហ្គេម មានប្រសាសន៍ថា ព្រះអគ្គិជ័យកីឡា មានអត្ថន័យជ្រាលជ្រៅ ស៊ីជម្រៅ ជានិមិត្តរូបនៃកម្លាំងថាមពលនៃជីវិតមនុស្សសត្វ និងជាសភាវៈធម៌ដ៏បរិសុទ្ធ ដែលផ្តល់នូវសេចក្តីសុខ សុភមង្គល និងសន្តិភាព ដល់មនុស្សជាតិទាំងអស់រស់នៅលើភពផែនដី តាមប្រធានបទ “កីឡានាំមកនូវសាមគ្គីភាព មិត្តភាព និងសន្តិភាព” ។

ផ្តើមចេញពីប្រវត្តិ និងខ្លឹមសារព្រះអគ្គិជ័យកីឡា ទើបព្រះរាជាណាចក្រកម្ពុជា រៀបចំព្រះរាជពិធីប្រោសព្រះរាជទាន ព្រះអគ្គិជ័យកីឡា ពេលនេះ ដើម្បីទទួលបានព្រះអគ្គិជ័យកីឡាទៅរត់ដង្ហែភ្លើងគប់ និងប្រារព្វពិធីបើកការប្រកួតកីឡា SEA Games-ASEAN Para Games ឆ្នាំ២០២៣ ខាងមុខនេះ ។

ក្នុងនាមប្រធានក្រុមប្រឹក្សាកីឡាអាស៊ីអាគ្នេយ៍ តំណាងគណៈកម្មាធិការជាតិអូឡាំពិកជាសមាជិក SEA Games សូមគាំទ្រ និងចូលរួមសហការយ៉ាងជិតស្និតជាមួយគណៈកម្មាធិការជាតិ CAMSOC ដើម្បីរៀបចំការប្រកួត SEA Games-ASEAN Para Games នៅព្រះរាជាណាចក្រកម្ពុជាឱ្យទទួលបានជោគជ័យ ក្រោមប្រធានបទ“កីឡារស់ក្នុងសន្តិភាព” ។

ឯកឧត្តម បន្តថាមកទល់ពេលនេះ គណៈកម្មាធិការជាតិអូឡាំពិក នៃបណ្តាប្រទេសអាស៊ីអាគ្នេយ៍ដែលបានសហការយ៉ាងល្អ និងបានចុះឈ្មោះបញ្ជូនប្រតិភូកីឡារបស់ខ្លួនចូលរួមការប្រកួតមានចំនួនប្រមាណ ១១ ៤៥៣នាក់ហើយ ក្នុងនោះព្រះរាជាណាចក្រកម្ពុជាមានជាង១០០០នាក់។

សម្តេចពិជ័យសេនា ទៀ បាញ់ រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតស៊ីហ្គេម លើកទី៣២ និងអាស៊ានប៉ារ៉ាហ្គេមលើកទី១២ មានប្រសាសន៍ដែរថា តាមរយៈការធ្វើម្ចាស់ផ្ទះនេះ បង្ហាញឱ្យពិភពលោកបានឃើញពីការរីកចម្រើនឥតឈប់ឈររបស់ព្រះរាជាណាចក្រកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី។

សូមជម្រាបជូនថាព្រះមហាក្សត្រ ទ្រង់ប្រោសព្រះរាជប្រទានព្រះអគ្គិអាទិទេព ដើម្បីប្រគល់ដល់អត្តពលិកម្នាក់អមដោយក្រុមអត្តពលិក រត់ជុំវិញវង់តូច ដោយផ្តើមចេញពីមុខប្រាសាទអង្គរវត្តទៅទិសខាងត្បូង(ទក្សិណ) តាមទិសដៅទៅក្រោយប្រាសាទអង្គរវត្ត ឆ្ពោះទៅប្រាសាទក្រវ៉ាន់ និងប្រាសាទបន្ទាយក្តី និងឆ្លងកាត់ប្រាសាទមួយចំនួនទៀតមុនឆ្ពោះមកកាន់មុខប្រាសាទអង្គរវត្ត និងមកបញ្ចប់កន្លែងប្រារព្ធព្រះរាជពិធីដែលជាទីចាប់ផ្តើមនៃការរត់ដង្ហែព្រះអគ្គិកីឡាវិញ រួច ត្រូវធ្វើដំណើរបន្តទៅកាន់វត្តវត្តរាជបូរណ៌ ដែលជាទីកន្លែងទុកអគ្គិអាទិទេព មុនដង្ហែទៅកាន់អាកាសយានដ្ឋានអន្តរជាតិសៀមរាបនៅរសៀលថ្ងៃទី២២ ខែមីនា ឆ្នាំ២០២៣ ដែលជាការចាប់ផ្តើមដង្ហែរ និងរត់គប់ភ្លើងកីឡាអាស៊ីអាគ្នេយ៍ និងអាស៊ានប៉ារ៉ាហ្គេម ២០២៣ ទៅកាន់ប្រទេសអាស៊ាន ដោយប្រទេសដំបូង ទៅកាន់ទីក្រុងហាណូយ ប្រទេសវៀតណាម រួចបន្តទៅម៉ានីល ហ្វីលីពីន និងប្រទេសអាស៊ានផ្សេងៗទៀត រួចបញ្ចប់ចុងក្រោយនៅប្រទេសឡាវ មុនដង្ហែតាមខេត្តជុំវិញបឹងទន្លេសាប ហើយព្រះអគ្គិនេះនឹងមកដល់ពហុកីឡដ្ឋានជាតិមរតកតតេជោ យប់ថ្ងៃទី០៥ ខែឧសភា ឆ្នាំ២០២៣ ដែលជាថ្ងៃបើកការប្រកួតស៊ីហ្គេម ២០២៣ ផ្លូវការ៕ អត្ថបទ៖ គង់ ហួន

អត្ថបទដែលទាក់ទង

ក្រុមអ្នកពន្លត់អគ្គិភ័យបានចាប់ផ្តើមតាមផែនការដើម្បីទប់ស្កាត់ចំហេះព្រៃ នៅក្នុងខេត្ត British Columbia
2023/06/05 11:55:08 am        1
សម្តេចតេជោ៖ កម្ពុជានឹងក្លាយជាប្រទេសចំណូលមធ្យមកម្រិតខ្ពស់នៅឆ្នាំ២០៣០
2023/06/05 11:11:04 am        1
សម្តេចតេជោ ហ៊ុន សែន៖ បញ្ហាភូមិសាស្ត្រនយោបាយក្លាយទៅជាប្រធានបទដ៏ក្តៅគគុក​នាបច្ចុប្បន្ន
2023/06/05 10:42:48 am        1

បណ្ដាញសង្គម

ព័ត៌មានចុងក្រោយ

​កងទ័ពប្រទេសទួរគី មកដល់ប្រទេសកូសូវ៉ូបន្ទាប់ពីការស្នើសុំរបស់NATO

2023/06/05 11:58:51 am
​ក្រុមអ្នកពន្លត់អគ្គិភ័យបានចាប់ផ្តើមតាមផែនការដើម្បីទប់ស្កាត់ចំហេះព្រៃ នៅក្នុងខេត្ត British Columbia
2023/06/05 11:55:08 am
​ការបាក់អណ្តូងរ៉ែបណ្តាលឲ្យមនុស្សយ៉ាងហោចណាស់១២នាក់ស្លាប់ នៅប្រទេសវ៉េណេហ្ស៊ុយអេឡាភាគខាងត្បូង
2023/06/05 11:51:24 am
​អារ៉ាប៊ីសាអ៊ូឌីត សន្យាកាត់បន្ថយការផលិតប្រេងហើយក្រុមOPECបូក បន្ថែមពេលកិច្ចព្រមព្រៀងដល់ឆ្នាំ២០២៤
2023/06/05 11:47:49 am
​សម្តេចតេជោ៖ កម្ពុជានឹងក្លាយជាប្រទេសចំណូលមធ្យមកម្រិតខ្ពស់នៅឆ្នាំ២០៣០
2023/06/05 11:11:04 am

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2023/06/04 10:53:16 pm
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2023/06/02 06:35:26 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2023/05/27 10:11:03 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2023/06/01 02:12:18 pm
​កម្ពុជារកឃើញអូមីក្រុងបំប្លែងថ្មី ប្រភេទ BA4 និង BA5 មានលទ្ធភាពឆ្លងលឿន
2023/06/04 09:23:09 pm

ព័ត៌មានវីដេអូ

​រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am
ប្រសាសន៍សំខាន់ៗរបស់សម្តេចតេជោ ក្នុងពិធីជួបសំណេះសំណាលជាមួយប្រតិភូ​កីឡា​អាស៊ានប៉ារ៉ាហ្គេម
2022/07/06 10:23:47 am
សម្ដេចតេជោណែនាំឱ្យមាតាបិតាអាណាព្យាបាលសិស្សកុំវាយតម្លៃកូនខ្លួនឯងប្រៀបធៀបជាមួយកូនអ្នកដទៃ
2022/05/03 05:09:51 am
ឯកឧត្ដម ហ៊ុន ម៉ាណែត លើកឡើងថា គ្រូបង្រៀនជាអ្នកដែលសម្បូរទៅដោយគំនិត ចំណេះ និងគុណធម៌ខ្ពស់
2022/04/27 06:10:36 pm