​បាល់បោះ៖ ​ក្រុម​បាល់បោះ Los Angeles Lakers បាន​យកឈ្នះ Orlando Magic ដោយ​លទ្ធផល ១១១-១០៥ ដើម្បី​បន្ត​ក្តីសង្ឃឹម​ក្នុងការ​បង្ហាញខ្លួន​នៅ​វគ្គ Play-Off ក្របខណ្ឌ​បាល់បោះ​អាមេរិក NBA​។​

​​កីឡាករ Austin Reave បោះ​បាន ៣៥ពិន្ទុ​ម្នាក់ឯង​ក្នុងចំណោម ១១១ពិន្ទុ​របស់ Lakers នេះ ខណៈដែល D’Angelo Russell បោះ​បន្ថែម ១៨ពិន្ទុ និង Anthony Davis ១៥ពិន្ទុ​ដើម្បីឱ្យ Lakers ងើប​ពី​ចាញ់ ២ប្រកួត​ជាប់​គ្នាមករក​ជ័យជំនះ​វិញ​។ ​​ជ័យជំនះ​នេះ​ធ្វើឱ្យ Lakers បន្ត​ឈរ​លេខ ១០ នៅ​ភាគ​ខាងលិច ជា​ចំណាត់ថ្នាក់​ចុងក្រោយ​នៃ​វគ្គ Play-In ខណៈដែល​នៅសល់ ១០ប្រកួត​ទៀត​ចប់​រដូវ​កាល​វិលជុំ​ធម្មតា​។ ​​ចំណែក Orlando Magic ស្ថិតក្នុង​ចំណាត់ថ្នាក់​មិនល្អ​ឡើយ​នៅ​ភាគ​ខាងកើត​ពោលគឺ​ឈរ​លេខ ១៣​។

​​ក្រុម​ដែល​ស្ថិតនៅ​ចំណាត់ថ្នាក់​លេខ ១ ដល់​លេខ ៦ ក្នុង​តារាង​ទាំងពីរ​តំបន់​នឹងមាន​កៅអី​នៅ​វគ្គ Play-Off ដោយ​ស្វ័យប្រវត្តិ ​ខណៈ​ក្រុម​លេខ ៧ ដល់​លេខ ១០ ត្រូវ​លេខ Play-In Tournament សិន​ដើម្បី​ដណ្តើម​កៅអី​នៅ​វគ្គ Play-Off ចុងក្រោយ​។ ​​លទ្ធផល​ផ្សេងទៀត​ក្រុម​កំពូល​តារាង​នៅ​ភាគ​ខាងកើត Milwaukee Bucks នៅតែ​បន្ត​ជ័យជំនះ​របស់ខ្លួន​ដោយ​យកឈ្នះ Toronto Raptors ១១៨-១១១ ដែល​ក្នុងនោះ Giannis Antetokounmpo បោះ​បាន ២២ពិន្ទុ ១៣បាល់​រី​បោ​ន និង ១០បាល់​បញ្ជូន​៕

​អត្ថបទ​៖​នាង សុភា​វុ​ធ