ប៉ាគីស្ថាន៖ ​មេដឹកនាំ​គណបក្ស PTI លោក Mussarat Jamshed Cheema បាន​ប្រាប់​សារព័ត៌មាន​រ៉​យ​ទ័​រថា អតីត​នាយករដ្ឋមន្ត្រី​ប៉ា​គី​ស្ថានលោក Imran Khan បានបង្ហាញ​ខ្លួន​នៅមុខ​តុលាការ​ជាន់ខ្ពស់​ទីក្រុង Lahore កាលពី​ថ្ងៃ​អង្គារ ទី២១ ខែមីនា ដើម្បី​ស្នើសុំ​ការធានា​នៅក្រៅ​ឃុំ នៅក្នុង​សំណុំរឿង​ថ្មីៗ​ជាច្រើន​ទល់នឹង​រូបលោក​។

វីដេអូ​ដែល​ថត​ដោយសារព័ត៌មាន Reuters បានបង្ហាញ​រថយន្ត​មួយគ្រឿង​ដឹក​លោក Khan មកដល់​តុលា​ការដែល​ត្រូវបាន​ហ៊ុមព័ទ្ធ​ដោយ​សន្តិសុខ និង​ក្រុម​អ្នកគាំទ្រ​។​ ​អតីត​នាយករដ្ឋមន្ត្រី​រូបនេះក៏បាន​បង្ហាញខ្លួន​នៅមុន​ពេល​សវ​នា​តុលាការ ក្នុង​រឿងក្តី​មួយ​ដែល​លោក​បាន​ប្តឹង​នគរបាល​ចំពោះ​ការ​ឆ្មក់​ចូល​លំនៅឋាន​របស់លោក ដែល​លោក​បាន​និយាយថា បាន​បំពាន​លើដី​ការបស់​តុលា​ការដែល​បាន​ផ្តល់អោយ​លោក ​នូវ​ការធានា​ឲ្យ​នៅក្រៅ​ឃុំ​កាលពី​សប្តាហ៍​មុន​។ តុលាការ​បានអនុញ្ញាត​ឲ្យ​លោក Khan នៅក្រៅ​ឃុំ​រហូតដល់​ថ្ងៃទី​២៧ ខែមីនា​។​ ​ប្រព័ន្ធ​ផ្សព្វផ្សាយបាន​រាយការណ៍​ថា ​សភា​របស់​ប្រទេស​ប៉ា​គី​ស្ថានត្រូវបាន​គេ​រំពឹងថា ​នឹង​ជួបប្រជុំគ្នា​នៅក្នុង​សម័យប្រជុំ​រួម​ពិសេស​មួយ​នៅ​ថ្ងៃ​ពុធ ទី​២២ ខេ​មីនា​នេះ ដើម្បី​ពិភាក្សា​អំពី​ការអនុវត្ត​សិទ្ធិអំណាច​របស់​រដ្ឋ និង​ការ​ជំនះ​ប្រឆាំង​រដ្ឋាភិបាល​ដែល​បានអូសបន្លាយ​ពេល​រប​ស់លោក Khan។

អតីត​កីឡាករគ្រី​គីតលោក​ Khan ធ្លាប់ជា​នាយករដ្ឋមន្ត្រី​ពី​ឆ្នាំ២០១៨ រហូតដល់​ឆ្នាំ២០២២ នៅពេលដែល​លោក​ត្រូវបាន​បណ្តេញ​ចេញពី​តំណែង​នៅក្នុង​ការបោះឆ្នោត​សភា​។ ចាប់តាំងពី​ពេលនោះ​មក លោក​បាននឹងកំពុង​ទាមទារ​ឲ្យ​មានការ​បោះឆ្នោត​ថ្មី និង​បានធ្វើ​បាតុកម្ម​នៅ​ទូទាំងប្រទេស ដើម្បី​ដាក់​សម្ពាធ​លើ​ករណី​របស់លោក​។ ក្រុម​អ្នកគាំទ្រ​របស់លោកបាន​ប៉ះទង្គិច​ ជាមួយ​នគរបាល​ជាច្រើនលើកក្នុង​រយៈពេល​ប៉ុន្មាន​ថ្ងៃ​ថ្មីៗ​នេះ ខណៈ​អាជ្ញាធរ​ព្យាយាម​បង្ខំ​លោក​ឱ្យ​បង្ហាញខ្លួន​នៅក្នុង​តុលាការ​ ពាក់ព័ន្ធ​នឹង​ករណីផ្សេងៗ​ប្រឆាំងនឹង​រូបលោក​។ នាយករដ្ឋមន្ត្រីលោក Shehbaz Sharif បាន​ច្រានចោល​ការទាមទារ​រប​ស់លោក Khan សម្រាប់​ការបោះឆ្នោត​ថ្មីដោយ​និយាយថា ការបោះ​ឆ្នោត​នឹង​ធ្វើឡើង​តាម​ការគ្រោងទុក​នៅ​ចុង​ឆ្នាំនេះ៕

អត្ថបទ៖ ប៊ុនថន