​វាយកូនបាល់៖ ​កីឡាករ​​អេ​ស្ប៉ា​ញ Rafael Nadal បាន​ខ្ទាត​ចេញពី​ចំណាត់ថ្នាក់ Top10 ពិភពលោក​ជា​លើកដំបូងតាំងពី​ឆ្នាំ២០០៥ បន្ទាប់ពី​អវត្តមាន​ពី​ការប្រកួត​នៅ​ក្របខណ្ឌ ATP Masters 1000 នៅ Indian Wells​។

​​Nadal បាន​បង្ខំចិត្ត​ដកខ្លួន​ពី​ការប្រកួត​នៅ​រដ្ឋ California ដែល​ខ្លួន​ធ្លាប់​ឡើងដល់​វគ្គ​ផ្តាច់ព្រ័ត្រ​ឆ្នាំមុន ដោយសារ​បន្ត​ថែខ្លួន​ក្រោយ​ជា​ពីរ​បួស​ត្រគាក​ដែល​បណ្តាលឱ្យ​បរាជ័យ​ការប្រកួត​ត្រឹម​ជុំ​ទី២ នៅ Grand Slam, Australian Open កាលពី​ខែមករា​។​ ​ដោយ​មិនបាន​ចូល​លេង​នៅ​កម្មវិធី Indian Wells រឺ​ស្មើនឹង​ការខាតបង់ ៦០០ពិន្ទុ​នៅ​តារាង ATP World Ranking នោះ ធ្វើឱ្យ Nadal ធ្លាក់​អស់ ៤ចំណាត់ថ្នាក់​ពី​លេខ ៩ ដល់​លេខ ១៣ ពិភពលោក បញ្ចប់​ការ​រក្សា​ខ្លួន​ក្នុង​លំដាប់ Top10 រយៈពេល ៩១២សប្តាហ៍ ពោលគឺ​តាំងពី​ពេល​កីឡា​ករលេខ ២ ពិភពលោក​បច្ចុប្បន្ន​សញ្ជាតិ​អេ​ស្ប៉ា​ញ Carlos Alcaraz មាន​វ័យ​មិន​ដល់​ពីរ​ឆ្នាំ​ស្រួលបួល​ផង​។ ​

​​យ៉ាងណាក្តី​គេ​មិន​រំពឹង​ថា Nadal នៅ​ក្រៅ​លំដាប់ Top10 យូរពេក​ឡើយ ខណៈដែល​ព្រឹត្តិការណ៍ Monte Carlo ខិតជិត​ចូលមក​ដល់ជា​កម្មវិធី​ដែល Nadal ទទួលបាន​ជោគជ័យ​បំផុត​ក្នុង​អាជីព​នៅលើ​ទីលាន​ដីក្រហម ក៏ដូចជា Grand Slam, French Open នៅពេល​ខាងមុខ​ផងដែរ​៕

​អត្ថបទ​៖​នាង សុភា​វុ​ធ