ទីភ្នាក់ងារអវកាសឥណ្ឌ ជាអង្គការស្រាវជ្រាវអវកាសឥណ្ឌា បានបាញ់បង្ហោះយានផ្កាយរណប Launch Vehicle Mark III(LVM3) ដែលបានដាក់៣៦ផ្កាយរណប នៅក្នុងទីអវកាសដែលស្ថិតក្នុងគន្លងវិថីទាបជាងមុន ចេញពីស្ថានីយអវកាស ស្រ៊ីហារីកូតា ស្ថិតនៅរដ្ឋអន្តរៈប្រទេស ភាគខាងត្បូងប្រទេសឥណ្ឌា កាលពីថ្ងៃអាទិត្យម្សិលមិញ។

បេសកម្មពាណិជ្ជកម្មរបស់យានអវកាស LVM3 ដែលបានបំពាក់ផ្កាយរណប៣៦គ្រឿង​របស់ក្រុមហ៊ុនទូរគមនាគមន៍ OneWeb ដែលមានមូលដ្ឋាននៅប្រទេសអង់គ្លេសនោះ ធ្វើឡើងតាមកិច្ចព្រមព្រៀងជាមួយ ក្រុមហ៊ុន Newspace India Limited (NSIL) ដើម្បីបង្ហោះទៅកាន់គន្លងវិថី។

ប្រធានអង្គការស្រាវជ្រាវអវកាសឥណ្ឌា (ISRO) លោក ស្រ៊ីតារា ប៉ានីគើរ សូម៉ាណាត់ បាននិយាយថា លោកសូមអបអសាទរ ចំពោះ ក្រុមហ៊ុន NSIL(Newspace India Limited) និងក្រុមហ៊ុន ISRO ហើយនិង ក្រុមហ៊ុនOneWeb ដែលបានទទួលជោគជ័យ នៅក្នុងការបាញ់បង្ហោះ ដោយជោគជ័យនៃបេសកកម្ម LVM3-M3 ជាមួយជាមួយនឹងOneWeb India-2 ។

ទីភ្នាក់ងាអវកាស បាននិយាយនៅលើ Tweeterថា បេសកម្មរបស់យានអវកាស LVM3-M3 OneWeb India-2 ត្រូវបានសម្រេចបានជោគជ័យ។ផ្កាយរណបទាំងអស់៣៦គ្រឿង នៅលើប្រព័ន្ធ OneWeb Gen-1នោះ បានបំបុកចូលទៅក្នុងគន្លងវិថីនៅក្នុងការហោះហើរដោយទទួលជោគជ័យ ៦លើកជាប់ៗគ្នា យានអវកាសLVM3 បានយោងបន្ទុក580គីឡូក្រាម និងបន្ទាបខ្លួនពីលើគន្លងវិថីភពផែនដី។

ប្រទេសឥណ្ឌា បានបើកទ្វារចំហសម្រាប់ក្រុមហ៊ុនអវកាសឯកជន កាលពីឆ្នាំ២០២០ ដោយមានការបាញ់បង្ហោះតាមនិយ័តកម្ម និងទីភ្នាក់ងារថ្មី ជាអ្នកជួយជំរុញការបាញ់​បង្ហោះយានអវកាសឯកជន។ អត្ថបទ៖ មករា