អ៊ីតាលី៖ ទីភ្នាក់ងារព័ត៌មានអ៊ីតាលី ANSA បាននិយាយកាលពីថ្ងៃព្រហស្បតិ៍ថា បុគ្គលិកផ្នែកថែទាំនៅឯមន្ទីរពេទ្យក្រុងរ៉ូម ដែលសម្ដេច ប៉ាវ ហ្វ្រង់ស៊ីស កំពុងគង់នៅមានសុទិដ្ឋិនិយមថា ព្រះអង្គនឹងយាងចេញពីមន្ទីរពេទ្យទាន់ពេល ដើម្បីចូលរួមពិធីបួងសួង Palm Sunday នៅថ្ងៃទី២មេសាខាងមុខ។
ប្រភពពីវិមានវ៉ាទីកង់បាននិយាយថា សម្ដេច ប៉ាប ហ្វ្រង់ស៊ីស បានចំណាយពេលក្នុងរាត្រីដ៏ស្ងប់ស្ងៀមមួយរបស់ព្រះអង្គនៅឯមន្ទីរពេទ្យចេមេលី (Gemelli) បន្ទាប់ពីទទួលមានបញ្ហារលាកផ្លូវដង្ហើម។ អ្នកនាំពាក្យវិមានវ៉ាទីកង់លោក ម៉ាតេអូ ព្រូនី បាននិយាយថា សម្ដេចប៉ាបត្រូវបានគេបញ្ជូនទៅមន្ទីរពេទ្យកាលពីថ្ងៃពុធ ទី២៩មិនា បន្ទាប់ពីព្រះអង្គបានត្អូញត្អែរពីការពិបាកដកដង្ហើម ដែលជាការលេចឡើងនូវការព្រួយបារម្ភថ្មីទៅលើបញ្ហាព្រះសុខភាពសម្ដេចប៉ាប ដែលមានព្រះជន្ម ៨៦ព្រះវស្សាកំពុងមានជំងឺមួយចំនួនទៀតនោះ។
លោក ព្រូនី បាននិយាយថា សម្ដេច ប៉ាប ហ្វ្រង់ស៊ីស នឹងស្ថិតនៅក្នុងមន្ទីរពេទ្យចេមេលីសក្នុងក្រុងរ៉ូមរយៈពេលពីពីរទៅបីថ្ងៃ ដើម្បីទទួលការព្យាបាលឲ្យបានល្អប្រសើរ។ ប្រភពពីវិមានវ៉ាទីកង់បានឲ្យដឹងថា ការព័ត៌មានវិវឌ្ឍន៍ជាផ្លូវការស្ដីពីស្ថានភាពសុខភាពរបស់ព្រះអង្គត្រូវគេរំពឹងថានឹងដឹងនៅពេលព្រឹក៕
អត្ថបទ៖ មករា
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
