ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានកោតសរសើរ និងថ្លែងអំណរគុណយ៉ាងជ្រាលជ្រៅ ដល់កងកម្លាំងប្រដាប់អាវុធគ្រប់ប្រភេទ ដែលខិតខំរក្សាសន្តិសុខ សុវត្ថិភាព សណ្តាប់ធ្នាប់សាធារណៈ និងការពារបូរណភាពទឹកដីកម្ពុជា។

ថ្លែងក្នុងសម័យប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី៣១ ខែមីនា ឆ្នាំ២០២៣ សម្តេចតេជោ ហ៊ុន សែន បានជំរុញឱ្យក្រសួងការពារជាតិ, ក្រសួងស្ថាប័នពាក់ព័ន្ធ និងសប្បុរសជន ចុះជួបសួរសុខទុក្ខ និងឧបត្ថម្ភដល់កងកម្លាំងប្រដាប់អាវុធ ដែលឈរជើងនៅតាមព្រំដែនគោក និងដែនដីកោះ នៃព្រះរាជាណាចក្រកម្ពុជា៕