អន្ដរជាតិ: មនុស្សដែលភ័យខ្លាចមួយក្រុមបានរត់គេចចេញពីទីតាំងចែកចាយស្បៀងអាហារនៅក្នុងទីក្រុង Peshawar ប្រទេសប៉ាគីស្ថានកាលពីថ្ងៃសៅរ៍ ខណៈស្នូគ្រាប់កាំភ្លើងបានលានលឺចេញពីខាងក្រោយពួកគេ មួយក្នុងចំណោមឧបទ្ទវហេតុមួយចំនួនក្នុងពេលប៉ុន្មានសប្ដាហ៍ថ្មីៗនេះ ស្របពេលអ្វីដែលក្រុមមន្ត្រីនិយាយថាជាអតិផរណាខ្ពស់បំផុតមិនធ្លាប់បានកត់ត្រារបស់ប្រទេសនេះ។

នគរបាលនិយាយថា ក្រុមមន្ត្រី បានអនុញ្ញាឲ្យប្រើឧស្ម័នបង្ហៀរទឹកភ្នែក និងបាញ់អាវុធក្នុងដៃរបស់ពួកគេឡើងលើអាកាសដើម្បីបំបែកហ្វូងមនុស្ស ដែលរដ្ឋមន្ត្រីស្បៀងអាហាររបស់ប្រទេសនេះ បាននិយាយថា ជាហេតុការណ៍ដែលរដ្ឋាភិបាលលំបាកក្នុងការគ្រប់គ្រង។

មនុស្សយ៉ាងហោចណាស់១៦នាក់ រួមទាំងស្ត្រី៥នាក់ និងកុមារ៣នាក់ បានស្លាប់ក្នុងការប្រជ្រៀតជាន់គ្នានៅមជ្ឈមណ្ឌលចែកចាយម្ស៉ៅមីទូទាំងប្រទេស។

តំបន់ចែកចាយស្បៀងអាហារនានា ត្រូវបានបង្កើតឡើងដើម្បីជួយសម្រាលផលប៉ះពាល់ចេញពីអតិផរណាហក់ឡើងខ្ពស់រហូតដល់៣៥%។

ការប្រជ្រៀតជាន់គ្នានេះបង្ហាញពីភាពអស់សង្ឃឹមរបស់ប្រជាជនក្នុងការប្រឈមនឹងការចំណាយកើនឡើង ដែលកាន់តែធ្ងន់ធ្ងរទៅដោយរូបិយប័ណ្ណរបស់ប្រទេសប៉ាគីស្ថាន និងការដកប្រាក់ឧបត្ថម្ភធនបម្រុងដែលបានព្រមព្រៀងជាមួយមូលនិធិរូបិយវត្ថុអន្តរជាតិដើម្បីចាក់សោបញ្ចេញកញ្ចប់ជំនួយហិរញ្ញវត្ថុវគ្គចុងក្រោយបង្អស់របស់ខ្លួន៕