តាកែវ៖ រដ្ឋបាលខេត្តតាកែវ សម្រេចបិទខ្ទប់ផ្នែកខ្លះនៃភូមិ ២ស្ថិតក្នុងស្រុកបាទី បន្ទាប់ពីផ្ទុះការឆ្លងរីករាលដាលនៃមេរោគកូវីដ-១៩ ដែលពាក់ព័ន្ធនឹងអ្នកភូមិជាច្រើននាក់។
ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តតាកែវបញ្ជាក់ថា អាជ្ញាធរសម្រេចបិទខ្ទប់ភូមិត្រាំខ្នារមួយផ្នែក និងភូមិត្រពាំងឫស្សីមួយផ្នែកផងដែរ ដែលភូមិទាំងពីរនេះស្ថិតក្នុងឃុំសូរភី ស្រុកបាទី។
ស្ថិតក្រោមវិធានការបិទខ្ទប់នេះ រដ្ឋបាលខេត្តតាកែវហាមឃាត់រាល់ការចេញ-ចូលភូមិទាំងពីរនេះ លើកលែងតែករណីចាំបាច់ ឬបន្ទាន់ប៉ុណ្ណោះ។
នៅក្នុងវិធានការបិទខ្ទប់នេះ អាជ្ញាធរខេត្តតាកែវ ក៏ហាមឃាត់ការជួបជុំ ឬការប្រមូលផ្ដុំមនុស្សផងដែរ ប៉ុន្តែ ផ្ដល់ការលើកលែងចំពោះការជួបជុំសមាជិកក្រុមគ្រួសារ ឬការជួបជុំចាំបាច់មួយចំនួនទៀត ដែលត្រូវបានអនុញ្ញាតឱ្យអាជ្ញាធរ។
រដ្ឋបាលខេត្តតាកែវ បានសម្រេចបិទខ្ទប់ផ្នែកខ្លះនៃភូមិទាំងពីរនេះ បន្ទាប់ពីរកឃើញមនុស្ស ០៧នាក់ បានឆ្លងមេរោគកូវីដ-១៩ ដែលពាក់ព័ន្ធនឹងព្រឹត្តិការណ៍សហគមន៍២០កុម្ភៈ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
