​អាមេរិក៖ កាលពី​ថ្ងៃ​សុក្រ​សប្តាហ៍​មុន អ្នកនាង Ivanka Trump ដែលជា​ទីប្រឹក្សា​ធុរកិច្ច​មួយ​រូបបាន​ចែករំលែក​សេចក្តីថ្លែងការណ៍​នៅលើ​បណ្តាញ​ព័ត៌មាន​សង្គម Instagram ​របស់​នាង ដោយ​នាង​និយាយ​ថា នាង​ស្រលាញ់​ឪពុក​របស់​នាង និង​ស្រលាញ់​ប្រទេស​របស់​នាង ប៉ុន្តែ​នៅ​ថ្ងៃ​នេះ​នាង​បែរ​ជា​និយាយ​ថា នាង​ឈឺចាប់​ណាស់​ចំពោះ​រឿងរ៉ាវ​ទាំង​២​ នេះ។

​នាង​បន្ត​ថា នាង​កោតសរសើរ​ចំពោះ​សំឡេង​ទូទាំង​មជ្ឈដ្ឋាន​នយោបាយ បង្ហាញ​ការ​គាំទ្រ និង​ក្តី​បារម្ភ។ ដោយឡែក​លោក Jared Kushner ត្រូវជា​កូន​ប្រសា​របស់​លោក Trump បាន​ចែករំលែក​គំនិត​នេះ​ផង​ដែរ​ដោយ​លោក​និយាយ​ថា ករណី​ចោទប្រកាន់​ទទួល​បាន​ដោយ​មេធាវី​សង្កាត់ Manhattan លោក Alvin Bragg គឺ​មិន​ធ្លាប់​មាន​ពី​មុន​មក​នោះ​ទេ ហើយ​មាន​បញ្ហា​ខ្លាំង​ណាស់។ ​លោក​និយាយ​ប្រាប់​កាសែត New York Post ថា លោក​គិត​ថា ជាក់ស្ដែង​ណាស់​វា​បង្ហាញ​​ការ​ព្រួយ​បារម្ភ​ដែល​ក្រុម​ប្រជាធិបតេយ្យ​មាន​ចំពោះ​លោក Trump និង​កម្លាំង​នយោបាយ​ដែល​គាត់​មាន។

​នៅ​ពេល​មុន​នេះទស្សនាវដ្ដី People រាយការណ៍​ថា អ្នកនាង Ivanka បាន​រក្សា​គំលាត​ឆ្ងាយ​ពី​ឪពុក​របស់​នាង និង​យុទ្ធនាការ​របស់​គាត់។ ទស្សនាវដ្ដី​មួយ​នេះ​បាន​ដកស្រង់​ប្រភព​គ្មាន​ឈ្មោះ​មួយ​ថា ទោះបីជា​អ្នកនាង Ivanka ស្រលាញ់​ឪពុក​របស់​នាង​ក៏ដោយ នាង​ដឹង​ច្បាស់​ថា​លទ្ធភាព​បែប​ណា​នាង​អាច​ធ្វើ​បាន៕

អត្ថបទ៖ សារ៉ាត់