អន្ដរជាតិ៖ មេធាវីរបស់លោក Donald Trumpបានប្រកាសឲ្យដឹងពីផែនការដាក់ញត្តិ ដើម្បីច្រានចោលការចោទប្រកាន់ពីបទព្រហ្មទណ្ឌប្រឆាំងនឹងអតីតប្រធានាធិបតីសហរដ្ឋអាមេរិករូបនេះ មុនពេលការចោទប្រកាន់ ត្រូវបានបើកនៅរដ្ឋ New York។

លោកមេធាវី Joe Tacopinaបានបង្ហាញខ្លួននៅក្នុងកម្មវិធី Good Morning America របស់ទូរទស្សន៍ ABCកាលពីព្រឹកថ្ងៃអង្គារ រយៈពេលប៉ុន្មានម៉ោង មុនពេលលោក Trumpបង្កើតប្រវត្តិសាស្រ្តក្នុងនាមជាអតីត ឬប្រធានាធិបតីបច្ចុប្បន្នលើកដំបូងមិនធ្លាប់ដែលមានពីមុន ត្រូវបានចោទប្រកាន់ និងនាំខ្លួនពីបទឧក្រិដ្ឋកម្ម។

លោក Tacopina និយាយថា ក្រុមការងារច្បាប់របស់លោកនឹងបង្កើតញត្តិជាច្រើនក្នុងករណីនេះ ដែលរួមទាំងការកាត់ទោសជាជម្រើស និងញត្តិច្រានចោលការចោទប្រកាន់។

លោកនិយាយថា លោកមិនគិតថា ករណីមួយនេះនឹងត្រូវជួបគណៈវិនិច្ឆ័យទោសនោះទេ។ ខ្ញុំគិតថា វានឹងត្រូវធ្វើឯកសារ។ ខ្ញុំគិតថានឹងមានការប្តឹងផ្តល់តាមផ្លូវច្បាប់ដែលត្រូវការធ្វើឡើង ហើយវានឹងត្រូវធ្វើដោយជោគជ័យ ។

សូមបញ្ជាក់ថា លោក Trumpបានធ្វើដំណើរតាមយន្តហោះ Trump Force One របស់លោកទៅកាន់រដ្ឋ New Yorkកាលពីថ្ងៃចន្ទ មុនពេលសម្រាកមួយយប់នៅអគារ Trump Tower ស្ថិតក្នុងទីក្រុង Manhattan។

បន្ទាប់ពីបានឡើងសវនាការនៅតុលាការព្រហ្មទណ្ឌ Manhattan លោកបានធ្វើដំណើរតាមជើងហោះហើរត្រង់ទៅកាន់មរណីដ្ឋាន Mar-a-Lago ដើម្បីថ្លែងសុន្ទរកថាទៅកាន់ក្រុមអ្នកគាំទ្រ ពាក់ព័ន្ធនឹងករណីចោទប្រកាន់របស់លោក៕