​បាល់ទាត់៖ ​ទោះបី​ជាមាន​វ័យ ៣៧ឆ្នាំ​ទៅហើយ Dani Alves បានបង្ហាញ​ថា ​អាយុ​គ្រាន់តែ​ជា​តួលេខ​ប៉ុណ្ណោះ ខណៈដែល​អតីត​ខ្សែការពារ Barcelona បានបង្ហាញ​ពី​មហិច្ឆតា​ចង់​បង្ហាញខ្លួន​អោយ​ក្រុម​ជំរើសជាតិ​ប្រេ​ស៊ី​ល​នៅ World Cup ២០២២​។

​​Dani Alves នៅតែ​ជា​កីឡាករ​ដែលមាន​ឥទ្ធិពល​ម្នាក់ ​ស្របពេល​កំពុង​ប្រកប​អាជីព​នៅ​ក្លិប​យក្ស​ប្រេ​ស៊ី​ល Sao Paulo​។ ​និយាយប្រាប់​សារព័ត៌មាន The Guardian, Dani Alves បានអោយដឹងថា World Cup នៅតែ​ជា​ក្តី​ស្រមៃ​របស់ខ្លួន រូបគេ​មិនដែល​បោះបង់​ក្តី​ស្រមៃ​ចង់​ឈ្នះ​ពាន World Cup ជាមួយ​ប្រេ​ស៊ី​ល​ឡើយ គេ​នឹង​ព្យាយាម​ធ្វើអោយ​ខ្លួនឯង​រក្សា​ទំរង់​លេង​កំរិត​កំពូល​ដដែល​ ទោះ​ឈានដល់​វ័យ ៣៧ឆ្នាំ​ក៏ដោយ​។ ​ព្រឹត្តិការណ៍​ជើងឯក​ទ្វីបអាមេរិក​ខាងត្បូង​រឺ Copa America ក៏​នឹង​ចាប់ផ្តើម​នៅ​រដូវក្តៅ​ខាង​មុខ​នេះដែរ​ហើយ Alves នៅតែ​រក្សា​ជំហរ​របស់ខ្លួន​ដដែល ​ប្រសិន​មាន​កោះហៅ​ពី​អ្នកចាត់ការ​ប្រេ​ស៊ី​ល​លោក Tite​។​

​​រំលឹកថា Dani Alves បាន​ចំណាយពេល​១៧ឆ្នាំ​នៅ​ទឹកដី​អឺរ៉ុប​ក្នុងនោះ Barcelona ជា​ក្លិប​ដែល​គេ​រួម​រស់​យូរ​ជាងគេ​ដល់​ទៅ ៨ឆ្នាំ​បង្ហាញខ្លួន​បាន ២៤៧ប្រកួត​រកបាន ១៤គ្រាប់​។ ជាមួយ​ក្រុម​ជំរើស​ជាតិ​ប្រេ​ស៊ី​ល Dani Alves បង្ហាញខ្លួន​បាន ១១៨លើក រកបាន ៨គ្រាប់​គិត​តាំងពី​ការបង្ហាញ​ខ្លួន​ដំបូង​នៅ​ឆ្នាំ​២០០៦៕

​អត្ថបទ​៖​នាង សុភា​វុ​ធ