ភ្នំពេញ៖ នាព្រឹកថ្ងៃទី១០ ខែមេសា ឆ្នាំ២០២៣នេះ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងឯកឧត្ដម UENO Atsushi ឯកអគ្គរាជទូតជប៉ុនប្រចាំកម្ពុជា បានអញ្ជើញចុះហត្ថលេខាលើលិខិតប្ដូរសារ និងឯកសារ​ពាក់ព័ន្ធ​នៃឥណទាន​សម្បទានប្រាក់យ៉េន សម្រាប់អនុវត្ត «គម្រោងកែលម្អ និងស្ដារប្រព័ន្ធស្រោចស្រព និង​ប្រព័ន្ធរំដោះទឹកភាគនិរតី នៃរាជធានីភ្នំពេញ ដំណាក់កាលទី២»។

ការផ្តល់​ឥណទាន​ខាងលើ នឹងចូលរួម​ចំណែក​បង្កើន​កិច្ច​ខិតខំ​ប្រឹងប្រែង​អភិវឌ្ឍន៍​សេដ្ឋកិច្ច-សង្គម​ជា​បន្តបន្ទាប់​របស់​រាជរដ្ឋាភិបាល​កម្ពុជា ព្រមទាំង​ពង្រឹងបន្ថែមទៀត​នូវ​ទំនាក់ទំនង​ដ៏ល្អ​ប្រពៃ និង​កិច្ច​សហ​ប្រតិបត្តិការ​ដែលកំពុង​លូតលាស់​លើគ្រប់​វិស័យរវាង​ប្រទេស​ទាំង​២៕