ការិយាល័យស្ថិតិជាតិ បាននិយាយកាលពីថ្ងៃអង្គារថា តារាងសន្ទស្សន៍តម្លៃទិញរបស់ប្រទេសចិន ដែលជាការវាស់ស្ទង់អតិផរណា ដ៏សំខាន់ បានឡើង០.៧% កាលពីខែមីនា គិតក្នុងរយៈពេលដូចគ្នា កាលពីឆ្នាំទៅ ។

តម្លៃទំនិញនៅក្នុងតំបន់ទីក្រុង និងតំបន់ជនបទ បានឡើង០.៧% និង០.៦% បន្តបន្ទាប់គ្នា កាលពីឆ្នាំមុន។ ដោយឡែកតម្លៃម្ហូបអាហារ បានឡើង ២.៤% ខណៈដែលតម្លៃទំនិញមិនមែន​ម្ហូបអាហារបានឡើង០.៣%។

តម្លៃទំនិញប្រើប្រាស់ បានឡើង០.៥% បើប្រៀបធៀបនឹងរយៈពេលដូចគ្នា កាលពីឆ្នាំទៅ ហើយ​តម្លៃសេវាកម្ម បានឡើង០.៨%. ចាប់ពីខែមករា ដល់ខែ មីនា តារាងសន្ទស្សន៍​តម្លៃទំនិញ​ប្រើប្រាស់​របស់ចិន បានឡើង១.៣% គិតក្នុងរយៈពេលដូចគ្នាកាលពីឆ្នាំទៅ។

តាមទន្និន័យមូលដ្ឋានប្រចាំខែ ឲ្យដឹងថា តារាងសន្ទស្សន៍តម្លៃទំនិញប្រើប្រាស់ឬCPIរបស់ចិន បានធ្លាក់ចុះ០.៣% ក្នុងខែមីនា ទាំងនៅក្នុងតំបន់ទីក្រុង និងតំបន់ជនបទ។

តម្លៃម្ហូបអាហារ បានធ្លាក់ចុះ១,៤% បើប្រៀបធៀបទៅនឹងខែមុន ខណៈតម្លៃទំនិញមិនមែនម្ហូប​អាហារ នៅដដែលដោយពុំមានការប្រែប្រួល។

តម្លៃទំនិញប្រើប្រាស់ បានធ្លាក់ចុះ០.៥% បើប្រៀបធៀបនឹងខែកុម្ភៈ ខណៈដែលតម្លៃសេវាកម្ម បានឡើង០.១ %៕