សមាជិកសភាស្វីសបានជួបប្រជុំនៅក្នុងក្រុងប៊ើន កាលពីអង្គារសម្រាប់សម័យប្រជុំវិសាមញ្ញ ដើម្បី​ពិភាក្សាពីការដួលរលំរបស់ធនាគារCredit Suisse ក៏ដូចជាការ​ឆ្លើយតប​សៀវភៅ​មូលប្បទានប័ត្រ​ដែល​បានចេញជាសាធារណរដ្ឋរបស់រដ្ឋាភិបាលផងដែរ។

ចាប់តាំងពីអាជ្ញាធរស្វីស ​កាលពីខែមុន ​បានព្យាយាមប្រើគ្រប់មធ្យោបាយដែលខ្លួនមានដើម្បីជួយ​សង្គ្រោះភាគហ៊ុនរបស់ធនាគារCredit Suisse ជាព្យុះមួយមេ បាននិងកំពុងបក់បោក​ចូលប្រទេស​ដែល​មានសភាព​ស្ងប់ស្ងាត់​ជា​ធម្មតាមួយនេះ។

សមាជិកសភាស្វីសភាគច្រើន​ បានរិះគន់ការសម្របសម្រួលដ៏តក់ក្រហល់​ ដែលគេបានឃើញ ធនាគារCredit Suisseនេះ ត្រូវបានទិញយកដោយធនាគារគូប្រជែងUBS UBSG.S ក្នុងតម្លៃ៣ពាន់​លានហ្រ្វង់ស្វីស(ស្មើនឹង ៣.៣ពាន់លានដុល្លា) ​និង​បាន​ឧបត្ថម្ភ​ទុន​បន្ថែម ជាង២៥០ពាន់លាន​ហ្រ្វង់ស្វីស ​នៅក្នុងការធានា និងទ្រទ្រង់។

ព្រឹត្ដិការណ៍ដ៏​ចម្លែក​ គឺសម័យប្រជុំបែបនេះកើតមានជាលើកទី៣ នៅក្នុងរយៈពេលជាង២០ឆ្នាំ ផ្តល់ឱកាសជួយ​សភាដើម្បីច្រានចោលកម្ចីឥណទានដ៏ច្រើនសម្បើម ដែលជាផ្នែកមួយនៃកញ្ចប់​ថវិកា​ជួយស្រោចស្រង់។

ទោះជាយ៉ាងណាក៏ដោយ ការបោះឆ្នោតនោះ គឺជានិម្មិតរូបដ៏សំខាន់ ខណៈដែលរដ្ឋ បានអនុម័ត​ផ្ដល់​កញ្ចប់ថវិការួចជាស្រេចទៅហើយ ហើយសមាជិកសភាមិនអាចទាត់ចោល​សេចក្ដី​សម្រេចនោះដែរ។

ក្នុងសម័យប្រជុំកាលពីថ្ងៃអង្គារ ​ក្រុមតំណាងរាស្រ្ដ ទទួលបានឱកាសមួយដើម្បីប្រឈម​តតាំង​ទៅនឹង ​កញ្ចប់​សង្រ្គោះបន្ទាន់ ហើយ​និង​ពិភាក្សាថា​ តើ​គេអាចដាក់លក្ខខណ្ឌនានា​ទៅ​លើ​ធនាគារCredit Suisseនោះ ឬយ៉ាងណា៕ អត្ថបទ មករា