ទីផ្សារភាគហ៊ុនអឺរ៉ុប កាលពីថ្ងៃចន្ទ បានហក់ឡើង ខណៈក្រុមវិនិយោគិន បានប្រថុយបោះទុនច្រើន លើធនាគារធំៗរបស់អាមេរិក ដែលនៅតែបន្តបង្ហាញលទ្ធផលកើនឡើងប្រចាំត្រីមាស​គិតត្រឹមសប្ដាហ៍នេះ ខណៈកំពុងទន្ទឹមរង់ចាំការដំឡើងអត្រាការប្រាក់វិលជុំរបស់​ធនាគារកណ្តាលជិតដល់ដំណាក់កាលបញ្ចប់។

តារាងសន្ទស្សន៍ទីផ្សារហ៊ុនភាគអឺរ៉ុប The Pan-European STOXX 600 បានហក់ឡើង ០,៣% បន្ទាប់ពីរងផលប៉ះពាល់ធ្ងន់ធ្ងរបំផុង ក្នុងរយៈពេល១ឆ្នាំ គិតត្រឹមសប្តាហ៍មុន ខណៈតារាងសន្ទស្សន៍បន្ទះអេឡិចត្រូនិក បានធ្លាក់ចុះពីចំណុចកំពូលលើកដំបូងមិនធ្លាប់មាន ក្នុងរយៈពេល២២ឆ្នាំ។

ចំណែក ភាគហ៊ុនអាជីវកម្មរ៉ែទទួលបានផលចំណេញតាមផ្នែក ដោយមានកំណើន១,២% ខណៈភាគហ៊ុនបច្ចេកវិទ្យា បានធ្លាក់ចុះ០,៨%។

ក្នុងក្រុងហ្រ្វេងហ្វិត តារាងសន្ទស្សន៍ German DAX របស់អាល្លឺម៉ង់ បានហក់ឡើង២៤ពិន្ទុ ឬស្មើនឹង០,១៥% ។

អ្នកវិភាគធនាគារ Oddo BHF លោកអូលីវើរ រ៉ូស បាននិយថា ទីផ្សារភាគហ៊ុន បានចាប់ផ្ដើម​បង្ហាញ​សញ្ញាវិជ្ជមាន នៅក្នុងសប្ដាហ៍នេះ ដោយសារតែការព្យាករទទួលបានតាមការរំពឹងទុក ដោយបន្ថែមថា ក្រុមហ៊ុននានា រកចំណូលបានច្រើនជាងការព្យាកររបស់ក្រុមអ្នកវិភាគ។ចំណុចនោះ មិនទាន់ត្រូវបានបង្ហាញពីតម្លៃជាក់ស្តែងនៅឡើយ ដូច្នេះ វាគ្រាន់តែផលប៉ះពាល់ពីចំហាយប៉ុណ្ណោះ។

ក្រុមអ្នវិនិយោគិន នឹងតាមដានយ៉ាងដិតដល់ ចំពោះរបាយការណ៍ស្តីពីការធ្លាក់ចុះប្រាក់ចំណូល​ដ៏គំហុក ដែលការរៀបចំរបាយការណ៍ទាំងនេះ នាំដោយធនាគារ Goldman Sachs, Morgan Stanley និង Bank of America ដែលនឹងកើតឡើងនៅក្នុងសប្ដាហ៍នេះ។ អត្ថបទ មករា