នគរបាលប្រចាំរដ្ឋបានិយាយកាលពីថ្ងៃពុធថា យុវជន៣នាក់ក្នុងរដ្ឋអាឡាបាម៉ា សហរដ្ឋអាមេរិក ត្រូវបាននាំទៅឃុំខ្លួន និងត្រូវបានចោទប្រកាន់ពីបទមនុស្សឃាតក្នុងការបាញ់ប្រហារ កាលពីសប្ដាហ៍មុននៅពិធីខួបកំណើត"Sweet 16" birthday party ដែលបណ្ដាលឲ្យមនុស្ស៤នាក់ស្លាប់ និង៣២នាក់រងរបួស។

លោកពលបាលត្រី Jeremy Burkett នៃទីភ្នាក់ងារអនុវត្តន៍ច្បាប់រដ្ឋអាឡាបាម៉ា បាននិយាយអំឡុង សន្និសីទសារព័ត៌មានថា ជនសង្ស័យ២នាក់ ម្នាក់ឈ្មោះ ទីរ៉េក ម៉ាក់ខូឡូ (Ty Reik McCullough) វ័យ១៧ឆ្នាំ និងប្អូនប្រុសរបស់គេម្នាក់ទៀតឈ្មោះ ត្រាវីស ម៉ាក់ខូឡូ (Travis McCullough)វ័យ១៦ឆ្នាំ មកពីទីក្រុងទូសកេគី(Tuskegee) ត្រូវបានចាប់ខ្លួនកាលពីយប់ថ្ងៃអង្គារ និងបានចោទប្រកាន់៤ករណី​ពាក់ព័ន្ធមនុស្សឃាតដោយចេតនា។

ទីភ្នាក់ងារនេះបាននិយាយនៅក្នុងសេចក្ដីជូនដំណឹងមួយថា ទីភ្នាក់ងារនេះបាននិយាយប៉ុន្មានម៉ោង​ក្រោយមកថា ជនទី៣ត្រូវបានចាប់ខ្លួន។ យុវជនវ័យ២០ឆ្នាំ ឈ្មោះ វីលសុនឡាម៉ា ហីល ជេ អា (Wilson LaMar Hill Jr) មកពីតំបន់ អូប៊ន (Auburn) រដ្ឋអាឡាប៉ាម៉ា ត្រូវបានឃុំខ្លួនកាលពីរសៀល​ថ្ងៃពុធនិងបានរងការចោទប្រកាន់ចំនួន៤ករណីពាក់ព័ន្ធអំពើមនុស្សឃាតដោយចេតនា។

ការបាញ់ប្រហារកាលពីថ្ងៃសៅរ៍បានកើតឡើងនៅខ្លឹបរាំកម្សាន្ត Mahogany Masterpiece Dance Studio ក្នុងតំបន់ Dadeville ជាសហគមន៍មួយដែលមនុស្សប្រមាណ៣.២០០នាក់រស់នៅ ស្ថិតនៅចម្ងាយ​ប្រហែលជាង៨០គីឡូម៉ែត្រភាគជាងជើងទីក្រុង Montgomery៕