កំពង់ស្ពឺ៖ រដ្ឋបាលខេត្តកំពង់ស្ពឺ បានអំពាវនាវទៅដល់អ្នកពាក់ព័ន្ធឱ្យទៅផ្ដល់សំណាក និងតាមដានសុខភាពខ្លួនឯង បន្ទាប់ពីខេត្តនេះរកឃើញមនុស្ស ៦នាក់ទៀតនៅក្នុងស្រុកចំនួន ០៤ នៃខេត្តនេះ បានឆ្លងមេរោគកូវីដ-១៩។
ក្នុងសេចក្ដីជូនដំណឹងរបស់ខ្លួន រដ្ឋបាលខេត្តកំពង់ស្ពឺ បានប្រកាសថា បានរកឃើញមនុស្ស ០៦នាក់បន្ថែមទៀត បានឆ្លងមេរោគកូវីដ-១៩ ក្នុងនោះរកឃើញ ០២នាក់នៅស្រុកបសេដ្ឋ និងអ្នកឆ្លងថ្មី ០២នាក់ទៀតនៅស្រុកសំរោងទង ខណៈដែលស្រុករលាំងគ្រើល និងស្រុកឧដុង្គ រកឃើញអ្នកឆ្លងថ្មី ០១នាក់នៅក្នុងស្រុកនីមួយៗ។
រដ្ឋបាលខេត្តកំពង់ស្ពឺ បានអំពាវនាវដល់ប្រជាពលរដ្ឋទាំងអស់ដែលធ្លាប់ប្រាស្រ័យជាមួយអ្នកឆ្លងកូវីដ-១៩ទាំង ០៦នាក់ ឱ្យទៅផ្ដល់សំណាកសម្រាប់ធ្វើរោគវិនិច្ឆ័យនៅមន្ទីរពេទ្យបង្អែកដែលជិតបំផុត និងរក្សាខ្លួនឯងនៅដាច់ដោយឡែករយៈពេល ១៤ថ្ងៃ ដើម្បីតាមដានសុខភាព។
បើតាមរបាយការណ៍ក្រសួងសុខាភិបាល ខេត្តកំពង់ស្ពឺ រកឃើញអ្នកឆ្លងជំងឺកូវីដ១៩សរុប ៧៤នាក់ហើយគិតត្រឹមថ្ងៃនេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
