​ប្រជាជន​មូស្លីម​ជាច្រើន​នៅ​ទូទាំង​ពិភពលោក​នឹង​ប្រារព្ធ​ពិធី​បញ្ចប់​នៃ​ខែ​ពិសិដ្ឋ​បុណ្យ​រ៉ា​ម៉ា​ដាន នៅថ្ងៃនេះ ដើម្បី​ប្រារព្ធ​ពិធីបុណ្យ អ៊ី​ត​អាល់​ហ្វី​ត​(Eid al-Fitr)​។ ពិធីបុណ្យ​នេះ ធ្វើឡើង​បន្ទាប់ពី​ប្រទេស​អា​រ៉ា​ប៊ី​សា​អូឌីត​បានប្រកាស​ពី​ការមើលឃើញ​ព្រះ​ច័ន្ទ​កាលពី​យប់មិញ​។ គ្រប់​វិហារ​អ៊ីស្លាម​ទាំងអស់​នៅ​ទូទាំង​ទីក្រុង​នឹង​រៀបចំការ​អធិដ្ឋាន​បុណ្យ Eid ពិសេស​ពេញ​មួយថ្ងៃ ខណៈ​មួយចំនួន​បានរៀបចំ​ទីតាំង​អធិដ្ឋាន​ន​ធំ​ជាង នៅ​ខាងក្រៅ​វិហារ​។

​ពិធីបុណ្យ Eid គឺជា​វិស្សមកាល​ដ៏​សំខាន់​មួយ​ក្នុងចំណោម​វិស្សមកាល​សំខាន់ៗ​ចំនួន​ពីរ ដែល​ប្រារព្ធ​ឡើង​ដោយ​ប្រជាជន​មូស្លីម​នៅ​ទូទាំង​ពិភពលោក​។ ជា​ប្រពៃណី ការ​អធិដ្ឋាន​សម្រាប់​ពិធីបុណ្យ Eid ចាប់ផ្តើម​ឡើង​ពេល​ថ្ងៃ​លិច​នៅពេល​យប់​ដែល​ព្រះ​ច័ន្ទ​ពាក់កណ្តាល​ដួង ត្រូវបាន​មើលឃើញ​ជា​លើកដំបូង ប៉ុន្តែ​វិហារ​អ៊ីស្លាម​ជាច្រើន​នឹង​ផ្តល់​ការ​អធិដ្ឋាន​សម្រាប់​បុណ្យ Eid នៅពេល​ព្រឹក​បន្ទាប់​។ នៅពេល​ការ​អធិដ្ឋាន​ត្រូវបាន​បញ្ចប់ប្រជាជន​មូស្លីម​នឹង​ទៅសួរសុខទុក្ខ​សាច់ញាតិ និង​មិត្ត​ភ័ក្តិ​របស់​ពួកគេ ដើម្បី​ជូនពរ​ពួកគេ​ភាព​រីករាយ​ពិធីបុណ្យ Eid ហើយ​ជារឿយៗ ប្តូរ អំណោយ ឬ​បង្អែម​គ្នា​ទៅវិញទៅមក​។​

​ព្រឹត្តិការណ៍​មួយចំនួន​នឹងត្រូវ​ធ្វើឡើង​នៅ​ចុង​សប្តាហ៍ ដើម្បី​ជួយ​សម្រួល​ដល់​ប្រជាជន​មូស្លីម​មួយចំនួន​ដែល​អាច​ជ្រើសរើស​ការ​ប្រារព្ធ​ពិធីបុណ្យ Eid នៅ​ថ្ងៃ​សៅរ៍​ជំនួស​ឱ្យ​ថ្ងៃ​សុក្រ​។ នេះ​មានន័យថា ប្រជាជន​មូស្លីម​ភាគច្រើន នឹង​អាច​ចំណាយពេល​នៅ​ចុង​សប្តាហ៍​ដែល​អាចធ្វើ​ទៅបាន​ដើម្បី​ទៅសួរសុខទុក្ខ​មិត្តភក្តិ និង​ក្រុមគ្រួសារ ដើម្បី​ជូនពរ​ពួកគេ​ក្នុង​ពិធីបុណ្យ Eid Mubarak និង​អបអរ​ជាមួយគ្នា​៕