មានមនុស្សយ៉ាងហោចណាស់ ២នាក់ បានស្លាប់ និង១០នាក់ផ្សេងទៀត បានរងរបួស បន្ទាប់​ពី​អ្នក​រត់​តុម្នាក់ បានបញ្ឆេះភ្លើងលើម្ហូប ហើយចៃដន្យ​បាន​ធ្វើ​អោយ​ឆេះ​ភោជនីយដ្ឋាន​អ៊ីតាលី​មួយ​កន្លែង​នៅ​ល្ងាច​ថ្ងៃ​សុក្រដ៏មមាញឹកក្នុងទីក្រុងម៉ាឌ្រីដ។ ម្នាក់ក្នុង​ចំណោម​អ្នក​រងរបួស​ស្ថិត​ក្នុង​ស្ថាន​ភាព​ធ្ងន់​ធ្ងរ​បំផុត និង៥នាក់ទៀតរងរបួសធ្ងន់។

រុក្ខជាតិលម្អផ្លាស្ទិក នៅក្នុងភោជនីយដ្ឋានបានចាប់ចំហេះយ៉ាងឆាប់រហ័ស ក្នុង​អំឡុង​ពេល​ចម្អិន​ម្ហូប​ដោយ​ប្រើ​អណ្តាតភ្លើង ហើយអណ្តាតភ្លើងបានរីករាលដាលយ៉ាងឆាប់រហ័ស។ ការ​ចម្អិន​ម្ហូប​ដោយ​ប្រើ​អណ្តាតភ្លើង គឺជាបច្ចេកទេសមួយ​ដែល​ពាក់​ព័ន្ធ​នឹង​ការ​ផ្លុំភ្លើង​ដាក់​លើ​អាហារ ដើម្បី​ឲ្យ​អាហារ​នៅ​ក្ដៅ។

សារព័ត៌មានអេស្ប៉ាញ El Pais បានរាយការណ៍ថា អគ្គិភ័យ​បាន​ឆាបឆេះ​នៅ​ជិត​ច្រក​ចូល​ភោជនីយដ្ឋាន Burro Canaglia ដែលធ្វើឲ្យមនុស្សពិបាករត់គេចចេញ។ លោក​អភិបាល​ក្រុង​បាន​និយាយ​ថា មានអ្នកទទួលទានអាហារ និងបុគ្គលិកប្រមាណ​៣០នាក់​នៅ​ក្នុង​ភោជនីយដ្ឋាន​នោះ នៅពេលអគ្គិភ័យនេះ កើតឡើង៕ អត្ថបទ៖ វ៉ាន់ ស្រីទាវ