នៅកណ្តាលរដ្ឋធានី Asuncion ប្រទេសប៉ារ៉ាហ្គាយ ជាទីក្រុងនៅជិតព្រំដែនប្រទេសអាហ្សង់ទីន ក្រុមអ្នកបោះឆ្នោតកំពុងត្រៀមសម្រាប់ថ្ងៃបោះឆ្នោតនៅថ្ងៃអាទិត្យនេះ ដោយបញ្ហាសេដ្ឋកិច្ច អំពើពុករលួយ និងបញ្ហាកោះតៃវ៉ាន់ ស្ថិតនៅក្នុងចិត្តរបស់ពួកគេ។

ប្រទេសកសិកម្មមួយនេះ ដែលមានប្រជាជនក្រោម៧លាននាក់ នឹងចេញទៅបោះឆ្នោត នៅ​តាមមណ្ឌលនានាជាអ្វីដែលត្រូវបានគេរំពឹងថា ជាការប្រជែងដ៏ប្រកៀកប្រកិតរវាងលោក Santiago Pena ជាសេដ្ឋកិច្ចវិទូដ៏ប៉ិនប្រសប់វ័យ៤៤ឆ្នាំ ដែលតំណាងឲ្យ គណបក្សColorado អភិរក្សនិយមដែល​កំពុងកាន់តំណែង និងលោក Efrain Alegre អ្នកនយោបាយជើងចាស់វ័យ៦០ឆ្នាំ ដែលដឹកនាំ​គណបក្ស​ចម្រុះឆ្វេងនិយម កណ្តាល និងកំពុងសន្យាចំពោះការរៀបចំ​ឡើងវិញ​គោលនយោបាយបរទេស។

ក្រុមអ្នកបោះឆ្នោតប្រជាមតិ មើលឃើញពីការប្រកួតប្រជែងដ៏តានតឹង សូម្បីតែការទាក់ទងទៅនឹង​បច្ចេកទេស។ គណបក្ស Colorado ដែលកំពុងកាន់អំណាច បានគ្របដណ្តប់លើនយោបាយប្រទេស​ប៉ារ៉ាហ្គាយ សម្រាប់ពេលវេលាក្នុងការកាន់អំណាចរយៈពេល៥ឆ្នាំ។ ប៉ុន្តែការចោទប្រកាន់ពីអំពើពុករលួយដែលកើតមាន បាននាំទៅរកក្តីបារម្ភ ដែលកំពុងបង្ហាញក្នុងការ​គាំទ្រ​របស់ពួកគេ។

លោក Gustavo Vera បុគ្គលិកធនាគារអាយុ៤០ម្នាក់បានប្រាប់សារព័ត៌មានរ៉យទ័រនៅក្នុងរដ្ឋធានីថា យើងមិនដែលនិយាយអំពីនយោបាយនោះទេ ព្រោះជ័យជំនះសម្រាប់គណបក្ស Colorado គឺជាកិច្ចព្រមព្រៀងធ្វើឡើងរួចហើយ។

នៅទីផ្សារនៅផ្លូវ Mercado 4 ដែលកំពុងមមាញឹក ក្នុងទីក្រុង Asuncion មនុស្សភាគច្រើន បានលើកឡើងពីស្ថានភាពសេដ្ឋកិច្ចដ៏តានតឹង។