ទីប្រឹក្សារដ្ឋ និងជារដ្ឋមន្ត្រីការបរទេសចិន លោក Qin Gang បានិយាយកាលពីថ្ងៃសុក្រ​នៅពេល​ជួបជាមួយ អគ្គនាយកអង្គការកម្មសិទ្ធបញ្ញាពិភពលោក (WIPO) លោក Daren Tang ក្នុងទីក្រុងប៉េកាំងថា ប្រទេសចិន ត្រៀមជាស្រេចដើម្បីធ្វើឲ្យស៊ីជម្រៅកិច្ចសហប្រតិបត្តិការជាក់ស្តែង​កម្រិតខ្ពស់ជាមួយអង្គការកម្មសិទ្ធបញ្ញាពិភពលោក។

លោក Qin បាននិយាយថា ប្រទេសចិន កំពុងពន្លឿនការផ្លាស់ប្តូរពីប្រទេសធំមួយទៅជាប្រទេស​ដ៏មាន​ឥទ្ធិពលក្នុងលក្ខខណ្ឌនៃកម្មសិទ្ធបញ្ញា (IPR)។ លោកបានគាំទ្រយ៉ាងមុតមាំអង្គការកម្មសិទ្ធបញ្ញាពិភពលោក ក្នុងតួនាទីដឹកនាំនិងសម្របសម្រួល​ក្នុងអភិបាលកិច្ចសិទ្ធិបញ្ញាពិភពលោក។

លោក Qin និយាយថា ប្រទេសចិន ត្រៀមជាស្រេចដើម្បីជំរុញការបង្កើតច្បាប់សិទ្ធកម្មសិទ្ធបញ្ញា​អន្តរជាតិផ្តល់​ប្រយោជន៍ជាលក្ខណៈសកល មានតុល្យភាពនិងប្រសិទ្ធភាព ដោយការពារសិទ្ធ​ស្របច្បាប់​របស់ប្រទេសទាំងអស់ចំពោះការអភិវឌ្ឍ​និងធ្វើឲ្យលេចចេញជាផ្លែផ្កា​សម្រាប់លទ្ធភាព​ទទួលបាននវានុវត្តន៍ បច្ចេកវិទ្យានិងវិទ្យាសាស្ត្រ ចែករំលែក ហើយត្រូវបានប្រើប្រាស់ដោយ​បណ្តាប្រទេស និងប្រជាជនរបស់ ខ្លួន។

លោក Tang បានកោតសរសើរស្នាដៃជាប្រវត្តិសាស្ត្រ ដែលប្រទេសចិន បានបង្កើតឡើងក្នុងកម្មសិទ្ធ បញ្ញា។ លោកនិយាយថា អង្គការកម្មសិទ្ធបញ្ញាពិភពលោកត្រៀមខ្លួនដើម្បីធ្វើកិច្ច​សហការ​ជាមួយប្រទេសចិន ដើម្បីធ្វើឲ្យប្រសើរឡើងការអភិវឌ្ឍន​ប្រកបដោយសុខភាពនិងនិរន្តរភាព​នៃអភិបាលកិច្ចសិទ្ធកម្មសិទ្ធបញ្ញា។