អ៊ុយក្រែននិយាយថាកងទ័ពរបស់ខ្លួនកំពុងគ្រប់គ្រងលើតំបន់នានានៅទីក្រុង Bakhmut ភាគខាងកើត ដោយនិយាយអំពីការវាយលុករបស់រុស្ស៊ី ខណៈប្រមុខកងកម្លាំងគាំទ្រទីក្រុងមូស្គូ និយាយថា ទាហានរបស់លោក កំពុងរុលចូលទៅមុខ។

កងកម្លាំងរុស្ស៊ី ដែលបានតស៊ូជាច្រើនខែមកហើយដើម្បីដណ្តើមយកទីក្រុង Bakhmut កំពុងដណ្តើមបានការគ្រប់គ្រងបន្តិចម្តងតំបន់នានានៅទីក្រុងនេះ។

អនុរដ្ឋមន្ត្រីក្រសួងការពារជាតិអ៊ុយក្រែន លោកស្រី Hanna Malyar និយាយថា ការប្រយុទ្ធគ្នាដ៏ខ្លាំងនៅតែបន្តក្នុងទីក្រុង Bakhmut។ សត្រូវពុំអាចដណ្តើមបានការគ្រប់គ្រង​ទីក្រុងនេះបានឡើយ ទោះបីជាកំពុងដាក់ពង្រាយកងកម្លាំងរបស់ខ្លួនទាំងអស់ចូល​ទៅក្នុងការប្រយុទ្ធហើយទទួលបានជោគជ័យមួយចំនួនក៏ដោយ។

លោកស្រីនិយាយនៅក្នុងការបង្ហោះលើបណ្តាញTelegram ថា ការការពារទីក្រុង Bakhmut កំពុងតស៊ូដោយភារកិច្ចយោធារបស់ខ្លួន។ យោធាអ៊ុយក្រែនពុំបានបង្ហាញពិតប្រាកដថាតើតំបន់ចំនួនប៉ុន្មានកំពុងស្ថិតនៅក្នុងដៃរបស់រុស្ស៊ីនោះទេ។ ដោយឡែក លោក Serhiy Cherevatyi អ្នកនាំពាក្យកងទ័ពអ៊ុយក្រែននៅភាគខាងកើត បានប្រាប់ប្រព័ន្ធផ្សព្វផ្សាយ ICTV ថា ខ្លួននៅតែអាចធ្វើទៅបានការផ្គត់ផ្គង់ដល់អ្នកការពារទីក្រុង Bakhmut នូវស្បៀងអាហារ គ្រាប់រំសេវ ថ្នាំពេទ្យ និងជម្លៀសបានអ្នករងរបួស។ ក្រសួងការពារជាតិរុស្ស៊ី នៅមុននេះបាននិយាយថា កងកម្លាំងរបស់ខ្លួន ដណ្តើមបានប្លុក​ចំនួន៤កន្លែង នៅទីក្រុងBakhmut ភាគខាងលិចកាលពីថ្ងៃអាទិត្យ ប៉ុន្តែសារព័ត៌មានរ៉យទ័រពុំអាច​បញ្ជាក់ដោយឯករាជ្យចំពោះការអះអាងនេះទេ។

អ៊ុយក្រែនបាន និយាយថាកងកម្លាំងរបស់ខ្លួនកំពុងរងចាំអាកាសធាតុល្អជាងនេះ មុនពេលការចាប់​ផ្តើមការវាយបកដែលបានសន្យាជាយូរមកហើយ ដែលកំពុងសន្យា​ជាមួយសម្ព័ន្ធមិត្ត​ដើម្បីយក​ឈ្នះភាពស្ទាក់ស្ទើររបស់ពួកគេចំពោះការផ្គត់ផ្គង់យន្តហោះប្រយុទ្ធទំនើប។