​បាងកក​៖ នៅ​ថ្ងៃ​ពុធ (៣ ឧសភា​)​នេះ បេក្ខជន​នាយករដ្ឋមន្ត្រី​ឈានមុខ​គេ​មួយរូប​របស់​ប្រទេស​ថៃ លោកស្រី Paetongtarn Shinawatra បាន​និយាយថា ខ្លួន​នឹង​បន្ត​យុទ្ធនាការ​នៅ​សប្តាហ៍​ក្រោយ បន្ទាប់ពី​សម្រាលកូន​កាលពី​ប៉ុន្មាន​ថ្ងៃមុន ហើយ​នៅតែមាន​ទំនុកចិត្ត​ថា​នឹង​ទទួល​ជ័យជម្នះ​ការបោះឆ្នោត​ដ៏​លើសលប់ ។​

​លោកស្រី Paetongtarn អាយុ ៣៦ ឆ្នាំ ដែលជា​បេក្ខជន​នាំមុខគេ​ក្នុង​ការស្ទង់មតិ​ជាច្រើន​សម្រាប់​ការបោះឆ្នោត​ថ្ងៃទី ១៤ ខែឧសភា បានបង្ហាញ​ខ្លួន​ជា​សាធារណៈ​លើកដំបូង​បន្ទាប់ពី​រយៈពេល​មួយខែ ដើម្បី​បង្ហាញ​កូន​ទី​ពីរ​របស់ខ្លួន​ឈ្មោះ Prutthasin ហៅ​ក្រៅ​ថា Thasin ដែល​បានកើត​នៅ​ថ្ងៃ​ច័ន្ទ​។​

​គណបក្ស Pheu Thai របស់លោក​ស្រី​ក៏​កំពុង​នាំមុខគេ​ក្នុង​ការស្ទង់មតិ​នាពេល​ថ្មីៗ​នេះ ហើយ​បានឈ្នះ​រាល់​ការបោះឆ្នោត​ចាប់តាំងពី​ឆ្នាំ ២០០១ មក​។​

​អ្នកវិភាគ​ភាគច្រើន​រំពឹងថា គណបក្ស Pheu Thai នឹង​ធ្លាក់ចុះ​ពី​ការគាំទ្រ​ដ៏​ច្រើន​លើសលប់ ហើយនឹង​ត្រូវបង្កើត​សម្ព័ន្ធភាព ដែល​ខ្លួន​មិនបាន​ធ្វើ​នៅក្នុង​ការបោះឆ្នោត​ឆ្នាំ ២០១៩​។ នោះ​ជា​ការស្ទង់មតិ​លើកដំបូង​ចាប់តាំងពី​រដ្ឋាភិបាលរ​បស់​ម្ដាយមីង​លោកស្រី​គឺ លោកស្រី​យី​ង​ឡាក់ ស៊ីណា​វ៉ា​ត់​ត្រូវបាន​ផ្តួលរំលំ​ក្នុង​រដ្ឋប្រហារ​ឆ្នាំ ២០១៤៕​