ខណៈប្រទេសថៃរៀបចំការបោះឆ្នោតសកល នៅថ្ងៃទី១៤ ខែឧសភា ខាងមុខ ប្រទេសនេះស្ថិតនៅក្នុងពេលវេលាមួយដ៍សំខាន់ ក្នុងលទ្ធិប្រជាធិបតេយ្យរបស់ខ្លួន ដោយពលរដ្ឋទីក្រុងបាងកក កំពុងអំពាវនាវឲ្យមានការផ្លាស់ប្តូរ បន្ទាប់ពីរស់នៅក្រោមរដ្ឋបាលបច្ចុប្បន្នអស់រយៈពេល ៨ឆ្នាំ។
នាយករដ្ឋមន្ត្រី លោក Prayuth Chan-ocha អតីតមេបញ្ជាការកងទ័ព ដែលបានធ្វើរដ្ឋប្រហារកាលពី៩ឆ្នាំកន្លងទៅនិងបានដឹកនាំរដ្ឋាភិបាលគាំទ្រដោយយោធារបស់ប្រទេសនេះ ចាប់តាំងពីពេលនោះមក។
ប្រទេសថៃ ត្រូវបានហៅថាជា «ទឹកដីនៃរដ្ឋប្រហារ» ដោយសារតែប្រវត្តិរបស់ប្រទេសនេះជួបប្រទះរដ្ឋប្រហារចំនួន១៣លើក ក្នុងសម័យកាលទំនើប ចាប់តាំងពីបដិវត្តន៍សៀម ឆ្នាំ១៩៣២ ដែលបានបញ្ចប់របបរាជាធិបតេយ្យផ្តាច់ការច្រើនសតវត្សរ៍របស់សៀម និងបណ្តាលឲ្យមានការផ្លាស់ប្តូរ ដោយគ្មានការបង្ហូរឈាមឈានឆ្ពោះទៅរករបបរាជាធិបតេយ្យអាស្រ័យរដ្ឋធម្មនុញ្ញ ជាការនាំមកនូវលទ្ធិប្រជាធិបតេយ្យ និងរដ្ឋធម្មនុញ្ញលើកដំបូង ព្រមទាំងមានការបង្កើតសភាជាតិ។
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
