ពលបាលត្រីមួយរូបក្នុងអង្គភាពកងទ័ពរបស់សហរដ្ឋអាមេរិក ត្រូវបានកាត់ទោសឲ្យជាប់ពន្ធនាគារ ២៥ឆ្នាំក្នុងករណីសម្លាប់អ្នកតវ៉ានៃចលនាស្បែកខ្មៅ Black Lives Matter ។

ចៅក្រមបានកាត់ទោសពលបាលត្រី លោក Daniel Perry វ័យ៣៦ឆ្នាំ កាលពីថ្ងៃពុធ ពីបទបាញ់ សម្លាប់លោក Garrett Foster វ័យ២៨ឆ្នាំ នៅក្នុងទីក្រុង Austin រដ្ឋTexas ។លោក Perry និង លោក Fosterសុទ្ធតែជនជាតិអាមេរិកស្បែកស។

អភិបាលរដ្ឋ Texas លោក Greg Abbott ធ្លាប់បាននិយាយថា លោកនឹងលើកលែងទោសឲ្យលោក Perry នៅពេលមានសំណើផ្លូវការមួយមកដល់តុរបស់លោក។

ក្រុមរដ្ឋអាជ្ញាមកពីគណបក្សសាធាណរដ្ឋ និងជាអ្នកការពារក្ដីឲ្យលោក Perry បានលើកឡើងថា រូបគេគ្រាន់តែដើម្បីការពារខ្លួនឯងប៉ុណ្ណោះ។

យោងតាមសារព័ត៌មាន AP ម្ដាយរបស់លោក Foster គឺអ្នកស្រី Sheila Foster បានប្រាប់តុលាការ កាលពីថ្ងៃពុធថា ក្រោយរយៈពេល៣ឆ្នាំ ទីបំផុតយើងទទួលបានយុត្តិធម៌សម្រាប់កូនអ្នកស្រីហើយ។

ការផ្ទន្ទាទោសនេះ កើតមានឡើងមួយខែបន្ទាប់ពីគណៈវិន្និច្ឆ័យសង្កាត់ Travis បានបោះឆ្នោតជា​ឯកច្ឆ័ន្ទ ក្នុងការកំណត់ទោសពលបាលត្រី Perry ពាក់ព័ន្ធករណីឃាតកម្មលើជនរងគ្រោះ Foster។

លោក Garrett Foster ត្រូវបានបាញ់សម្លាប់កាលពីថ្ងៃទី២៥ខែកក្កដា ឆ្នាំ២០២០ នៅពេល​ទាហានម្នាក់ឈ្មោះ Perry ដែលបានបើកបរទៅកាន់តំបន់ Uber នៅពេលនោះ បានទៅកាន់​ផ្លូវមួយជាទីដែលក្រុមបាតុករចលនាស្បែកខ្មៅ Black Lives Matter កំពុងដើរក្បួន ដែលបានឆ្លង​កាត់ភ្លើងស្តុបពណ៌ក្រហម និងបានឃាត់រថយន្តរបស់គេឲ្យឈប់៕