​នៅ​ថ្ងៃ​ចន្ទ​នេះ មន្ត្រី​កងទ័ពជើងទឹក​ន័​រ​វែ​ស​មួយរូប ត្រូវបាន​តុលាការ​រកឃើញថា​មានទោស និង​ត្រូវបាន​កាត់ទោស​ឲ្យ​ជាប់ពន្ធនាគារ​ព្យួរ​ឈ្មោះ​រយៈពេល ២​ខែ សម្រាប់​ការធ្វេសប្រហែស​នាំ​ឲ្យ​មានការ​បុក​គ្នា​រវាង​នាវាចម្បាំង​ដែល​លោក​បញ្ជា និង​នាវា​ដឹក​ប្រេង​កាលពី​ឆ្នាំ ២០១៨ ដែល​ធ្វើ​នាវា​យោធា​លិច ។

កងកម្លាំងប្រដាប់អាវុធ បានធ្វើការ​ប៉ាន់ស្មាន​នៅក្នុង​របាយការណ៍​ឆ្នាំ ២០១៩​ថា ការកសាង​នាវា​ជំនួស​សម្រាប់​នានា​វា​ដែល​បាត់បង់ Helge Ingstad អស់​ថវិកា​ប្រហែល ១.២៤​ពាន់​លាន​ដុល្លារ ។

ការបុក​គ្នា​នៅពេល​ព្រឹក​រវាង​នាវាចម្បាំង Helge Ingstad និង​នាវា​ដឹក​ប្រេង​ឆៅ​ផ្ទុក​ពេញ​ចំណុះ Sola TS ជិត​ចំណត​នាំចេញ​ប្រេង​ធំ North Sea បង្ក​ឲ្យ​មាន​ការបិទ​ផ្នែក​ខ្លះ​នៃ​ការផលិត​ប្រេង​របស់​ន័​រ​វែ​ស​ផងដែរ ។ គ្មាន​ការ​លេច​ប្រេង​ពី​នាវា​ដឹក​ប្រេង​នោះទេ ។

លោក Christian Lundin គឺជា​មេធាវី​របស់លោក​និយាយថា ចុងចោទ គឺជា​មន្ត្រី​ទទួលបន្ទុក​ផ្នែក​ខាងលើ​នាវា Ingstad​នៅពេលនោះ ។ លោក​ផ្តល់​ចម្លើយ​ពុំ​ទទួលទោស​សម្រាប់​ការធ្វេសប្រហែស ។ លោក​មានជំនឿថា លោក​ពុំ​សមជា​មនុស្ស​តែ​ម្នាក់​ដែល​ត្រូវ​រង​ការស្តីបន្ទោស​ដោយ​អយុត្តិធម៌​បែបនេះ​នោះទេ ។ ដោយឡែក ក្រុម​អយ្យការ​ន័​រ​វែ​ស បានស្នើ​សុំ​ឲ្យ​មានការ​កាត់ទោស​ឲ្យ​ជាប់ពន្ធនាគារ​ព្យួរ​ឈ្មោះ​រយៈពេល ៤​ខែ៕​