​លោក Brandon Johnson បាន​ស្បថ​ចូលកាន់​តំណែង​ជា​ផ្លូវការ​ជា​អភិបាលក្រុង​ទី ៥៧ របស់​ទីក្រុង​ឈី​កា​ហ្គោ រដ្ឋ Illinois ទីក្រុង​ធំ​ទី ៣ របស់​សហរដ្ឋអាមេរិក​កាលពី​ថ្ងៃ​ចន្ទ (១៥ ឧសភា​)​។​

​ទស្សនិកជន​រាប់ពាន់នាក់​លើ​ដៃ​ឡើងលើ​ជា​សញ្ញា​សម្រាប់​ពិធី​ស្បថ​ចូលកាន់​តំណែង​របស់លោក Johnson រួមមាន​អតីត​អភិបាលក្រុង​ឈី​កា​ហ្គោ លោក Lori Lightfoot ដែល​មិន​ឲ្យ​ខកខាន​ឱកាស​ណាមួយ​ក្នុង​ការរិះគន់​ប្រធានាធិបតី​អាមេរិក Donald Trump ដោយ​ប្រាប់​ទស្សនិកជន​ថា នេះ​គឺជា​របៀប​នៃ "​ការផ្ទេរអំណាច​ដោ​យស​ន្តិ​វិធី " ។​

​លោក Johnson វ័យ ៤៧ ឆ្នាំ​ជា​អ្នករស់នៅ​ទីក្រុង​ឈី​កា​ហ្គោ​ផ្នែក​ខាងលិច​តាំងពី​លោក​កើតមក ដែល​បច្ចុប្បន្ន​លោក​រស់នៅ​ជាមួយ​ភរិយា​របស់ខ្លួន​លោកស្រី Stacie និង​កូន ៣ នាក់​គឺ Owen អាយុ ១៥ ឆ្នាំ Ethan អាយុ​១១​ឆ្នាំ និង Braedyn អាយុ ៨ឆ្នាំ​។​

​រដ្ឋបាល​របស់លោក​នឹង​ជួបនឹង​បញ្ហា​ប្រឈម​ជាច្រើន​នៅ​ថ្ងៃ​ដំបូង រួមទាំង​ឧក្រិដ្ឋកម្ម​ហឹ​ង្សា ការនាំមក​នូវ​ប្រាក់ចំណូល​កាន់តែច្រើន​ដល់ទី​ក្រុង Midwest និង​ដោះស្រាយ​ការកើនឡើង​នៃ​ជនអន្តោប្រវេសន៍​ដែល​កំពុង​កើតឡើង​។​

​លោក Johnson បាន​និយាយ​ភ្លាមៗ​បន្ទាប់ពី​ស្បថ​ចូលកាន់​តំណែង​ថា "​យើង​មិន​ចង់ឱ្យ​រឿង​របស់​យើង​ត្រូវបាន​ប្រាប់តៗ​គ្នា​ដល់​មនុស្ស​ជំនាន់​ក្រោយ​ថា យើង​មិន​អាចធ្វើ​ផ្ទះ​ឲ្យ​ជន​គ្មាន​ផ្ទះសម្បែង ឬ​ផ្តល់​ជម្រក​សុវត្ថិភាព​សម្រាប់​អ្នក​ដែល​កំពុង​ស្វែងរក​ការ​ជ្រកកោន​នៅទីនេះ​ទេ ដោយសារតែ​យើង​មាន​កន្លែង​គ្រប់គ្រាន់​សម្រាប់​មនុស្ស​គ្រប់គ្នា​នៅក្នុង​ទីក្រុង​ឈី​កា​ហ្គោ​នេះ មិន​ថា​អ្នក​កំពុង​ស្វែងរក​សិទ្ធិ​ជ្រកកោន ឬ​អ្នក​កំពុង​ស្វែងរក​តំបន់​ដែល​ផ្តល់​មូលនិធិ​ពេញលេញ​នោះទេ​" ៕​