សិស្សានុសិស្សវ័យក្មេងទាំងអស់ត្រូវចូលរួមក្នុងព្រឹត្តិការណ៍គំរូសន្និសីទអាកាសធាតុ COP នៅសាលាឯកជន JSS របស់ទីក្រុងឌុយបៃ ដែលជាផ្នែកមួយនៃការអប់រំរបស់ពួកគេស្តីពីនិរន្តរភាព និងសកម្មភាពអាកាសធាតុ។ 

នៅចំពោះមុខហ្វូងមនុស្ស និងជាមួយនឹងការកំណត់ម៉ោង សិស្សម្នាក់ៗបានដើរតួជាឯកអគ្គរដ្ឋទូត និងបង្ហាញផែនការបរិស្ថានសម្រាប់ប្រទេសរបស់ពួកគេ។

ព្រឹត្តិការណ៍នេះកើតឡើងស្របតាមគំនិតផ្តួចផ្តើមបៃតងជាច្រើននៅក្នុងអារ៉ាប់រួម ខណៈដែលប្រទេសនេះរៀបចំធ្វើជាម្ចាស់ផ្ទះនៃកិច្ចប្រជុំកំពូលស្ដីពីអាកាសធាតុ COP28 នៅខែធ្នូ។ ក្រុមមេដឹកនាំពិភពលោក អ្នកការទូត និងអ្នកមុខអ្នកការរាប់ពាន់នាក់ ត្រូវបានគេរំពឹងថានឹងចូលរួមកិច្ចប្រជុំកំពូលនៅទីក្រុងឌុយបៃជាមួយនឹងហិរញ្ញវត្ថុអាកាសធាតុ ហើយនិងដំណើរការនវានុត្តន៍ដែលរំពឹងថាជាប្រធានបទមួយក្នុងចំណោមប្រធានបទធំៗទាំងនោះ។

សិស្សានុសិស្សបានបែងចែកជាបីក្រុម ដែលក្រុមនីមួយៗមានផែនការសកម្មភាពសម្រាប់របៀបរស់នៅប្រកបដោយនិរន្តរភាព និងការបំភាយឧស្ម័នកាបូនឌីអុកស៊ីតទាប សម្រាប់សាលារៀនរបស់ពួកគេ និងប្រទេសនានាក្នុងពិភពលោក។

ការផ្តល់ឱ្យសិស្សនូវវេទិកាមួយដើម្បីចែករំលែកគំនិតរបស់ពួកគេ និងរៀបចំអនាគត នាយកប្រតិបត្តិនៃសាលាឯកជន JSS លោក Govindrao Naik បាននិយាយថា ព្រឹត្តិការណ៍ប្រភេទនេះគឺមានសារៈសំខាន់ ហើយគ្រោងនឹងពង្រីកវានៅទូទាំងសាលារៀនជាច្រើន៕