ហេតុការណ៍ផ្ទុះនៅរោងចក្រផលិតកាំជ្រួចភ្ញីខុសច្បាប់ បានសម្លាប់មនុស្ស ៩នាក់នៅទីក្រុង Midnapore ស្ថិតនៅរដ្ឋភាគខាងកើត West Bengal ប្រទេសឥណ្ឌា កាលពីថ្ងៃអង្គារ ។  

ការផ្ទុះនេះ បានអង្រួនទីក្រុង Midnapore កាលពីរសៀលថ្ងៃអង្គារ ពេលដែលអគាររោងចក្រផលិតកាំជ្រួចភ្ញី បានបាក់រលំ ហើយបំណែកសាកសពជនរងគ្រោះដេកដួលនៅលើដី ។ ជនរងគ្រោះផ្សេងទៀតដែលរលាកភ្លើង ត្រូវបានដឹកទៅព្យាបាលនៅមន្ទីរពេទ្យ។  

លោក Manav Singhal គឺជាស្នងការនគរបាលក្រុង Midnapore និយាយថា សាកសពមនុស្ស ៩នាក់ ត្រូវបានរកឃើញ។ ប្រតិបត្តិការរុករក កំពុងបន្ត ដើម្បីស្វែងរកព័ត៌មានបន្ថែមទៀតពីឧបទ្ទេវហេតុនេះ ។  

 បច្ចុប្បន្នក្រុមនគរបាល ពុំទាន់បានដឹងភ្លាមៗនោះទេ ពីមូលហេតុដែលនាំឲ្យកើតមានហេតុការណ៍ផ្ទុះនេះ ហើយប្រតិបត្តិការរុករកជនរងគ្រោះបន្ថែមទៀត ត្រូវបានធ្វើឡើងផងដែរ។  

ដោយឡែក លោក Mamata Banerjee គឺជាស្នងការនគរបាលរដ្ឋ West Bengal បានប្រកាសសំណងជំងឺចិត្តចំនួនជាង ៣ពាន់ដុល្លារដល់គ្រួសារអ្នកស្លាប់ និងផ្តល់ការព្យាបាលដោយឥតគិតប្រាក់ដល់អ្នករងរបួស។  

សូមបញ្ជាក់ថា ឧបទ្ទវហេតុឧស្សាហកម្ម បានក្លាយជារឿងធម្មតាទៅហើយនៅក្នុងប្រទេសឥណ្ឌា ដោយសារតែមនុស្សបំពានបទដ្ឋានសុវត្ថិភាព ក៏ដូចជាការត្រួតពិនិត្យធូររលុងពីក្រុមមន្រ្តីរដ្ឋាភិបាល៕