​

អតីតនាយករដ្ឋមន្ត្រី ប្រទេសប៉ាគីស្ថាន លោក Imran Khan កាលពីថ្ងៃសុក្រ បានបដិសេធការសុំអនុញ្ញាតរបស់នគរបាលដើម្បីឆែកឆេរលំនៅឋានរបស់លោកក្នុងទីក្រុង Lahore ពីបទសង្ស័យពាក់ព័ន្ធក្នុងការវាយប្រហារនៅក្នុងខែនេះមកលើអគាររដ្ឋនិងអគារកងទ័ព និងបានដាក់ចេញលក្ខខណ្ឌផ្ទាល់របស់លោក សម្រាប់ប្រតិបត្តិការបែបនេះណាមួយ។ 

លោក Khan បានបដិសេធការផ្តល់កន្លែងស្នាក់អាស្រ័យដល់នណាម្នាក់ដែលពាន់ព័ន្ធនៅក្នុងអំពើហិង្សានេះ និងបាននិយាយថាការឆែកឆេរ អាចត្រូវបានធ្វើឡើងដោយគណៈកម្មការដែលត្រូវបានបង្កើតឡើងដោយតុលាការជាន់ខ្ពស់ ដោយមានសមាជិកមកពីទាំងរដ្ឋាភិបាល និងគណបក្សរបស់លោក និងនៅលើលក្ខខណ្ឌថាមន្ត្រីស្ត្រីម្នាក់រួមដំណើរជាមួយពួកគេ។  

លោកKhan បានប្រាប់អ្នកសារព័ត៌មានថា ក្រុមរដ្ឋាភិបាលដំបូងនិយាយថា មានភេរជននៅក្នុងលំនៅឋានរបស់លោក ប៉ុន្តែក្រោយមកពួកគេនិយាយថា មានមនុស្សដែលត្រូវបានគេស្វែងរក។ លោកបាននិយាយបន្ថែមថា ប្រសិនបើនណាម្នាក់មកពីគណបក្សរបស់ខ្ញុំមានការជាប់ពាក់ព័ន្ធ យើងទាំងអស់គ្នា ខ្លួនខ្ញុំផ្ទាល់ និងមេដឹកនាំនាំគណបក្សារបស់ខ្ញុំ ថ្កោលទោសរឿងនេះដដែលៗ។ ប្រសិនបើពួកគេអាចផ្តល់ឲ្យយើងនូវភស្តុតាងណាមួយ ប្រសិនបើពួកគេអាចបង្ហាញយើងថាសមាជិកគណបក្សរបស់យើងមានជាប់ពាក់ព័ន្ធ យើងនឹងជួយក្នុងការចាប់ខ្លួនពួកគេ។ លោកបាននិយាយថា លោកបារម្ភថានគរបាលអាចដាក់បង្កប់អាវុធនៅក្នុងលំនៅឋានរបស់លោកប្រសិនបើពុំត្រូវបានគ្រប់គ្រង។

ប្រទេសប៉ាគីស្ថាន បានប្រឈមវិបត្តិសេដ្ឋកិច្ចសេដ្ឋកិច្ចធ្ងន់ធ្ងរបំផុតក្នុងរយៈពេលជាច្រើនទសវត្សរ៍មកនេះ ដែលការផ្តល់មូលនិធីរូបិយវត្ថុអន្តរជាតិដ៏ចាំបាច់ ត្រូវការដើម្បីគេចពីតុល្យភាពនៃវិបត្តិចំណាយ ដែលត្រូវបានពន្យារពេលជាច្រើនខែមកហើយ។