ឥណ្ឌា៖ ប្រទេសស្រីលង្កា កាលពីថ្ងៃព្រហស្បតិ៍ បានក្លាយជាប្រទេសជិតខាងចុងក្រោយរបស់ប្រទេសឥណ្ឌា ដែលបានសម្រេចបិទព្រំដែនរបស់ខ្លួនជាមួយប្រទេសនៅតំបន់អាស៊ីខាងត្បូងដ៏ធំមួយនេះ ខណៈកំពុងប្រយុទ្ធប្រឆាំងនឹងករណីឆ្លងជំងឺ COVID-19 ដែលកំពុងហក់ឡើងខ្ពស់រាល់ថ្ងៃ។
ប្រទេសបង់ក្លាដែស និងនេប៉ាល់ ក៏បានហាមប្រាមការហោះហើរ និងបានព្យាយាមបិទព្រំដែនរបស់ខ្លួនជាមួយប្រទេសឥណ្ឌាដែរជាទីដែលចំនួនករណីឆ្លងបានហក់ឡើងខ្ពស់កាលពី៣សប្ដាហ៍កន្លងទៅ ដែលនាំឲ្យអ្នកស្លាប់សរុបកើនឡើងដល់ជាង ២៣ម៉ឺនាក់ និងឆ្លងជាង ២១លាននាក់។
ប្រទេសទាំង៣នេះ កំពុងប្រយុទ្ធប្រឆាំងនឹងការផ្ទុះឡើងខ្លាំង នៃជំងឺរាតត្បាតសកលកលនៅក្នុងប្រទេសរៀងៗខ្លួនដែរ ដែលក្រុមមេដឹកនាំកកាបាទក្រហមបានហៅថាជាមហន្តរាយមនុស្សជាតិ។
រដ្ឋាភិបាលស្រីលង្កា បានហាមប្រាមការហោះហើរដឹកអ្នកដំណើរ មិនឲ្យចូលពីប្រទេសឥណ្ឌា ខណៈប្រទេសនេះ បានរាយការណ៍ចំនួនអ្នកស្លាប់ប្រចាំថ្ងៃខ្ពស់បំផុតចំនួន១៤ នាក់ និងឆ្លង1,939 នាក់ ក្នុងពេល២៤ម៉ោង។
ប្រទេសបង់ក្លាដែស បានផ្អាកជើងហោះហើរអន្តរជាតិទាំងអស់ កាលពីថ្ងៃទី១៤មេសា ដោយសារតែករណីឆ្លងកើនឡើងខ្ពស់ក្នុងប្រទេសរបស់ខ្លួន និងបានបិទព្រំដែនជាមួយឥណ្ឌា កាលពីថ្ងៃទី២៦ខែមេសាកន្លងទៅ៕ អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
