យោងតាមទីភ្នាក់ងាព័ត៌មាន IRNA ផ្លូវការរបស់អ៊ីរ៉ង់ និងក្រសួងមហាផ្ទៃរបស់ពួកតាលីបង់ បានឲ្យដឹងកាលពីថ្ងៃសៅរ៍ថា ឆ្មាំព្រំដែនអ៊ីរ៉ង់ពីរនាក់ អ្នក​ប្រយុទ្ធ​តាលីបង់ម្នាក់ត្រូវបានសម្លាប់ នៅក្នុងអំឡុងពេលប៉ះទង្គិចគ្នា ដោយប្រដាប់អាវុធនៅជិតស្នងការនគបាលព្រំដែនមួយ រវាងអ៊ីរ៉ង់ និងអាហ្គានីស្ថាន។

ភាគីទាំងពីរបានចោទគ្នាទៅវិញទៅមកថា បានបើកឆាកបាញ់ប្រហារមុន កាលពីព្រឹកថ្ងៃសៅរ៍ នៅជិតស្នងការនគបាល នៅព្រំដែនខេត្ដ ស៊ីស្ដង់(Sistan) និងខេត្ដបាលូឆេស្ថាន (Baluchestan) របស់អ៊ីរ៉ង់ និងខេត្ដនីមរ៉ូស (Nimroz) របស់អាហ្គានីស្ថាន។

ហេតុផលដែលបង្កឲ្យមានការប៉ះទង្គិចគ្នានេះ​ គេមិនទាន់ដឹងច្បាស់នៅឡើយទេ ហើយស្ថានទូត​អ៊ីរ៉ង់​ប្រចាំក្រុងកាប៊ុល និងក្រសួងការពារជាតិស្ដីទី គ្រប់គ្រង​ដោយពួកតាលីបង់​ក្នុងប្រទេស​អាហ្គានីស្ថាន ​បានចាប់ផ្ដើម​ធ្វើ​សន្និសីទ​សារព័ត៌មាន ​និង​បានទូរសព្ទឲ្យធ្វើការស៊ើប​អង្គេត​ពី​បុព្វហេតុដែលបង្ករអោយមានភាពតានតឹង​កើតឡើងយ៉ាងដូច្នេះ។

យោងតាមទីភ្នាក់ងារព័ត៌មាន IRNA របស់អ៊ីរ៉ង់ និងក្រសួងមហាផ្ទៃតាលីបង់ បានឱ្យដឹងថា ជម្លោះនេះ ​ក៏បាននាំអោយមនុស្សជាច្រើននាក់ទៀត​ របស់ភាគីទាំង​ពីររងរបួស ក្នុងនោះ​រួមមាន​ជនស៊ីវិលផងដែរ៕ អត្ថបទ មករា