ភ្នំពេញ ៖ មានសន្តិភាព ! មានការងារ ! ជាសាររបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ដែលបានផ្សព្វផ្សាយនៅក្នុងហ្វេសប៊ុកផ្លូវការរបស់សម្ដេចនៅយប់ថ្ងៃទី៣០ ខែឧសភា ឆ្នាំ២០២៣។

សារនៅក្នុងហ្វេសប៊ុករបស់សម្ដេចតេជោនាយករដ្ឋមន្ត្រីដដែលបន្តថា រាជរដ្ឋាភិបាលកម្ពុជា តាមរយៈទីភ្នាក់ងារជាតិ​មុខរបរ និងការងារ(NEA)នៃក្រសួងការងារ និងបណ្តុះបណ្តាលវិជ្ជាជីវៈ នាំយកឱកាសការងារសរុបប្រ មាណ ១.៥ ម៉ឺនកន្លែង ពីក្រុមហ៊ុនជាច្រើនក្នុងវិស័យសំខាន់ៗដូចជា សេវាកម្ម ឧស្សា ហកម្ម និងកសិកម្ម ជូនយុវជន សិស្ស/និស្សិត និងអ្នកស្វែងរកការងារ នៅក្នុងវេទិកាទស្សនកិច្ចការងារស្តីពី៖ «ឱកាសកា រងារ និងការត្រៀមខ្លួនចូលទីផ្សារការងារ» ក្នុងខេត្តគោលដៅចំនួន ៤ ចាប់ពីថ្ងៃស្អែ កនេះទៅ។

កម្មវិធី “វេទិកាទស្សនកិច្ចការងារ” នេះ នឹងចាប់ផ្តើមដំបូងក្នុងខេត្តបាត់ដំបង នាថ្ងៃទី៣១ ខែឧសភា ឆ្នាំ ២០២៣ នៅក្នុងទីតាំង​សាលមហោស្រពស្ទឹងសង្កែ បន្ទាប់មក នៅខេត្តសៀម នាថ្ងៃទី២ ខែមិថុនា នៅ​សាកលវិទ្យាល័យបៀលប្រាយ។ ​ចំណែកឯខេត្តកំពង់ធំ នឹងត្រូវរៀបចំនៅថ្ងៃទី៤ ខែមិថុនា នៅសាក លវិទ្យាល័យឯកទេសនៃកម្ពុជា និងចុងក្រោយនៅខេត្តកំពង់ចាម នឹងត្រូវរៀបចំនៅថ្ងៃទី៦ ខែមិថុនា នៅអគារសហភាពសហព័ន្ធយុវជនកម្ពុជា។

ការរៀបចំ«វេទិកាការងារ» និង«សិក្ខាសាលាអំពីការត្រៀមខ្លួនចូលទីផ្សារការងារ» នេះ គឺជាយន្តការនៃការផ្តល់​សេវាការងារ​សាធារណៈរបស់រាជរដ្ឋាភិបាលកម្ពុជា តាមរយៈ NEA នៃក្រសួងការងារ និងបណ្តុះបណ្តាលវិជ្ជាជីវៈ ក្នុងការជួយស្វែងការងារធ្វើជូនដល់ប្រជាពលរដ្ឋ ហើយត្រូវបានរៀបចំឡើងជាប្រចាំដោយ NEA ដើម្បីជួយផ្គូរផ្គង និងផ្គត់ផ្គង់កម្លាំងពលកម្មទៅដល់ក្រុមហ៊ុន សហគ្រាស ដែលកំពុងត្រូវការបុគ្គលិក និងកម្មករនិយោជិត។

សម្ដេចតេជោនាយករដ្ឋមន្ត្រី ក៏បានអំពាវនាវទៅដល់កូនក្មួយ ចៅៗ និងអ្នកស្វែងរកការងារក្នុងខេត្តគោ លដៅទាំង ៤ ទាំងអស់ កុំភ្លេចរៀបចំ CVs ដើម្បីចូលរួមដាក់ពាក្យស្វែងរកការងារជាមួយក្រុមហ៊ុន ស ហគ្រាស ដែលខ្លួនពេញចិត្ត៕

​

ដោយ៖ គង់ ឌិន