ចិន ៖ បណ្ដាឥស្សរជននយោបាយមកពីជុំវិញពិភពលោកបានសាទរចំពោះមាគ៌ារបស់ចិនឆ្ពោះទៅកាន់ទំនើបកម្ម

ដែលដឹកនាំដោយបក្សកុម្មុយនិស្តចិន ដោយនិយាយថាវាបង្កើតឱកាសជាច្រើនសម្រាប់ពិភពលោក និងលើក​ទឹក​ចិត្តដល់ប្រទេសកំពុងអភិវឌ្ឍន៍បន្ថែមទៀតដើម្បីបន្តជំរុញទំនើបកម្មដែលសមស្របនឹងលក្ខខណ្ឌជាតិរបស់ពួកគេ។

ពួកគេបានធ្វើការអត្ថាធិប្បាយកាលពីថ្ងៃអង្គារនៅក្នុងព្រឹត្តិការណ៍មួយក្នុងទីក្រុង Wuhan នៃខេត្ត Hubei ប្រទេសចិន ដែលធ្វើឡើងដើម្បីបង្ហាញពីសមិទ្ធផលរបស់ខេត្តនេះក្នុងការអនុវត្តទស្សនៈរបស់លោកប្រធានាធិបតី Xi Jinping ស្តីពីសង្គមនិយមដោយមានលក្ខណៈចិនសម្រាប់យុគសម័យថ្មី។ តំណាងឥស្សរជនជាង១៧០រូបមកពីគណបក្សនយោបាយចំនួន ៣៦ ក្នុងប្រទេសចំនួន ៣០ បានចូលរួមក្នុង​វេទិកាជួបជុំនេះ។

មាគ៌ាឆ្ពោះទៅរកទំនើបកម្មរបស់ចិន រួមមាន ទស្សនៈថ្មីដើម្បីឈានទៅរកការ​អភិវឌ្ឍកាន់តែ​ប្រសើរ គឺជា​ផ្នែកមួយ​នៃព្រឹត្តិការណ៍ដែលរៀបចំឡើងដោយនាយកដ្ឋានអន្តរជាតិ​នៃគណៈកម្មាធិការមជ្ឈឹម​បកុម្មុយនីស្តចិន (CPC) ដើម្បីលើកកម្ពស់ទ្រឹស្តី និងការអនុវត្តរបស់បក្សក្នុងការគ្រប់គ្រង​ប្រទេសដែល​មានប្រជាជន​ច្រើនបំផុត​នៅលើ​ពិភពលោកមួយនេះ។

លោកស្រី Odontuya Saldan អនុប្រធានរដ្ឋ Great Hural នៃប្រទេសម៉ុងហ្គោលី និងជាប្រធាន​សហភាព​ស្ត្រី​ប្រជាធិបតេយ្យ​​នៃគណបក្សប្រជាធិបតេយ្យម៉ុងហ្គោលី បាននិយាយថា ដំណើរទស្សនកិច្ចរបស់​លោកស្រីទៅ​កាន់ខេត្ត Hubei បានធ្វើឱ្យលោកស្រីមើលឃើញគំរូដ៏ល្អនៃទំនើបកម្មរបស់ចិន ដូចដែលបានបង្ហាញ​ដោយលោក​ប្រធានាធិបតី Xi Jinping ជាអគ្គលេខាធិការគណៈកម្មាធិការមជ្ឈឹមបក្សកុម្មនីស្តចិន (CPC) នៅក្នុងរបាយការណ៍​របស់លោកទៅកាន់សមាជជាតិលើកទី ២០ របស់បក្ស។

លោកស្រីបានមានប្រសាសន៍អំពីសមិទ្ធផលរបស់ខេត្ត Hubei ក្នុងការកាត់បន្ថយភាពក្រីក្រ តាមរយៈយុទ្ធសាស្ត្រ​ជំរុញដោយការបង្កើតថ្មី ដោយនិយាយថា ម៉ុងហ្គោលីចង់រៀនសូត្រពីទស្សន​វិជ្ជាអភិវឌ្ឍន៍ដែល​ផ្តោតលើ​ប្រជាជនរបស់ប្រទេសចិន និងបទពិសោធន៍ជោគជ័យរបស់ប្រទេសនេះក្នុងការសង្គ្រោះភាពក្រីក្រ។

លោក Agni Prasad Sapkota អនុប្រធានគណៈកម្មាធិការមជ្ឈិមបក្សកុម្មុយនិស្តនេប៉ាល់ (មជ្ឈមណ្ឌលម៉ៅនិយម)

និងជាអតីតប្រធានសភាតំណាងប្រទេសនេប៉ាល់ បាននិយាយថា លោកមានការ​ចាប់អារម្មណ៍​ចំពោះលក្ខណៈ​ពិសេសសំខាន់ៗនៃទំនើបកម្មរបស់ចិន។

លោក Sapkota បាននិយាយអំពីដំណើរទស្សនកិច្ចរបស់ខ្លួនទៅកាន់ទីក្រុងមួយ​ចំនួនក្នុងរយៈ​ពេលប៉ុន្មាន​ថ្ងៃកន្លង​មកនេះហើយបាននិយាយថាសមិទ្ធផលរបស់ខេត្ត Hubei ក្នុងការរីកចម្រើន ការអភិរក្សអេកូឡូស៊ី និងវឌ្ឍនភាព​វប្បធម៌បានបង្ហាញពីភាពជាអ្នកដឹកនាំដ៏រឹងមាំរបស់គណៈកម្មាធិការមជ្ឈឹមបក្ស (CPC) ។

ក្នុងពេលថ្លែងសុន្ទរកថាក្នុងព្រឹត្តិការណ៍នេះ លោក Liu Jianchao រដ្ឋមន្ត្រីនៃនាយកដ្ឋានអន្តរជាតិនៃគណៈកម្មាធិការ

មជ្ឈឹមបក្សកុម្មុយនីស្តចិន (CPC) បាននិយាយថា CPC ខិតខំលើកកម្ពស់សន្តិភាព និងការអភិវឌ្ឍន៍ពិភពលោក។

លោក Liu បានបន្ថែមថា ប្រទេសនេះនឹងបន្តបង្កើតឱកាសថ្មីជាមួយនឹងការអភិវឌ្ឍន៍ថ្មីរបស់ខ្លួន ព្រមទាំងផ្តល់​ជម្រើស​ថ្មី​សម្រាប់ប្រទេសកំពុងអភិវឌ្ឍន៍ក្នុងការបន្តធ្វើទំនើបកម្មរបស់ពួកគេ៕

ប្រភព៖ សារព័ត៌មាន China Daily