អ៊ីស្រាអែលបានជម្លៀសមនុស្សម្នាក់ដែលរងរបួសនៅក្នុងហេតុការណ៍បាញ់ប្រហារនៅជិតព្រំដែនជាមួយប្រទេសអេហ្ស៊ីបនៅថ្ងៃសៅរ៍ (៣ មិថុនា)នេះ ទៅកាន់មជ្ឈមណ្ឌលវេជ្ជសាស្ត្រ Sokora ។

យោធាអ៊ីស្រាអែល បាននិយាយថា ទាហានរបស់ខ្លួនបីនាក់ និងខ្មាន់កាំភ្លើងម្នាក់ បានសម្លាប់​នៅជិតព្រំដែនជាមួយប្រទេសអេហ្ស៊ីប ហើយអ្នកនាំពាក្យយោធា បាននិយាយថា មនុស្សមួយក្រុម បានជ្រៀតចូលព្រំដែន ​ដែលនាំឱ្យមានការបាញ់ប្រហារនេះកើតឡើង។

មានទាហានពីរនាក់ ​ត្រូវបានបាញ់សម្លាប់ នៅជិតព្រំដែននោះ។

ខ្មាន់កាំភ្លើង និងទាហានអ៊ីស្រាអែលទី៣ម្នាក់ ត្រូវបានសម្លាប់ក្នុងការប្រឈមមុខដាក់គ្នា ក្នុងទឹកដីអ៊ីស្រាអែល​ប៉ុន្មានម៉ោងក្រោយមក។

ប្រភពពីប្រទេសអេហ្ស៊ីប ​បាននិយាយថា យុវជនប្រដាប់អាវុធមួយក្រុម ដែលអាចជាអ្នករត់ពន្ធ​គ្រឿងញៀន បានបាញ់ទៅលើខ្សែការពាររបស់អ៊ីស្រាអែល​ ដែលនាំឱ្យមានការបាញ់តបតគ្នា។ សេចក្តីថ្លែងការណ៍របស់យោធាអេហ្ស៊ីប ក្រោយមកបាននិយាយថា ​បុគ្គលិកសន្តិសុខអេហ្ស៊ីបម្នាក់ ត្រូវបានសម្លាប់នៅក្នុងឧបទ្ទវហេតុនេះ។

ក្រោយមក យោធាអ៊ីស្រាអែល បានកំណត់អត្តសញ្ញាណការលួចចូលទៅក្នុងទឹកដីអ៊ីស្រាអែល ហើយកងកម្លាំងរបស់ខ្លួនត្រូវបានបាញ់ ​នាំឱ្យមានការបាញ់ប្រហារកើតឡើង​ដែលខ្មាន់កាំភ្លើង និងទាហានអ៊ីស្រាអែលទី៣ ត្រូវបានសម្លាប់។ កាលឆ្នាំ ១៩៧៩ អេហ្ស៊ីបបានក្លាយជាប្រទេសអារ៉ាប់​ដំបូងគេដែលបានចុះហត្ថលេខាលើសន្ធិសញ្ញាសន្តិភាពជាមួយអ៊ីស្រាអែល៕