រដ្ឋមន្ត្រីការបរទេសកូសូវ៉ូ លោកស្រី Donika Gervalla-Schwarz បាននិយាយកាលពីថ្ងៃអង្គារថា ប្រទេសកូសូវ៉ូ នឹងបើកចំហចំពោះលទ្ធភាពនៃការបោះឆ្នោតថ្មី នៅក្នុងក្រុងនានាដែលមានពលរដ្ឋស៊ែរប៊ីភាគច្រើន នៅភាគខាងជើងចំនួន៤ បន្ទាប់ពីមានភាពចលាចល ប៉ុន្តែវិធានការផ្សេងទៀតចាំបាច់ត្រូវធ្វើឡើងនៅមុនពេលនោះ។

អំពើហិង្សាបានផ្ទុះឡើងចាប់តាំងពីអាជ្ញាធរប្រទេសកូសូវ៉ូ បានតែតាំងអភិបាលក្រុងជនជាតិភាគតិចអាល់បានីឡើងកាន់តំណែងនៅក្នុងទីក្រុងជាច្រើន បន្ទាប់ពីជាប់ឆ្នោតក្នុងសំឡេងត្រឹមតែ ៣,៥ភាគរយ ធ្វើឲ្យផ្ទុះកំហឹងដល់ពលរដ្ឋស៊ែរប៊ី ដែលបានបង្កើតសំឡេងភាគច្រើននៅក្នុងតំបន់ និងជាអ្នកដែលបានធ្វើពហិការក្នុងការបោះឆ្នោតប្រជាមតិក្នុងតំបន់។

លោកស្រី Gervalla-Schwarz បាននិយាយបន្ទាប់ពីជួបជាមួយរដ្ឋមន្ត្រីការបរទេសសាធារណៈរដ្ឋឆែក ក្នុងទីក្រុងប្រាក ថា ការឈានទៅបញ្ចប់ចំពោះអំពើហិង្សាគឺជាលក្ខខណ្ឌទី១ ដើម្បីពិចារណាការបោះឆ្នោតថ្មី។

លោកស្រីនិយាយថា «ពិតណាស់» យើងនឹងបើកឲ្យមានការបោះឆ្នោតដល់ក្រុងចំនួន៤ទាំងនោះ ប៉ុន្តែដើម្បីមានការបោះឆ្នោតថ្មី យើងត្រូវការវិធានការជាច្រើននៅចន្លោះនោះ។

លោកស្រីនិយាយថា ពលរដ្ឋពុំគួគិតពីការគំរាមនៃអំពើហិង្សារបស់ក្រុមមនុស្សឥតសណ្តាប់ធ្នាប់សម្រាប់ការចូលរួមក្នុងការបោះឆ្នោតនោះទេ។ ការបន្ថែមកម្លាំងសម្រាប់កងកម្លាំងរក្សាសន្តិភាពសម្ព័ន្ធយោធា NATO បានចាប់ផ្តើមមកដល់ក្នុងប្រទេសកូសូវ៉ូនៅសប្តាហ៍នេះ បន្ទាប់ពីភាពចលាចល។

ប្រទេសកូសូវ៉ូ ត្រូវបានប្រកាសជាអន្តរជាតិ ដែលទទួលស្គាល់ឯករាជ្យពីប្រទេសស៊ែរប៊ីក្នុងឆ្នំ២០០៨ ទោះបីជាត្រូវបានបដិសេធមិនទទួលស្គាល់ដោយទីក្រុងប៊ែលក្រាតក៏ដោយ។

កាលពីសប្តាហ៍មុន ជំនួយការប្រធានាធិបតីសហរដ្ឋអាមេរិក លោក Joe Biden បានពិភាក្សាជាមួយនាយករដ្ឋមន្ត្រីកូសូវ៉ូ លោក Albin Kurti និងប្រធានាធិបតីស៊ែរប៊ី លោក Aleksandar Vucic ដែលជំរុញឲ្យប្រទេសស៊ែរប៊ីដកកងកម្លាំងប្រាដាប់អាវុធ ដែលដាក់មូលដ្ឋាន​នៅជិតព្រំដែន និងជំរុញឲ្យក្រុមអ្នកតវ៉ារក្សាភាពស្ងាត់ស្ងៀម។