ប្រទេសឥណ្ឌា និងប្រទេសចិន កំពុងឈានឆ្ពោះយ៉ាងឆាប់រហ័ស ទៅរកដំណាក់កាលមួយមានអ្នកសារព័ត៌មានតិចតួច ឬគ្មានដែលប្រកាសជាផ្លូវការលើទឹកដីរវាងប្រទេសទាំងពីរ ដែលជាសញ្ញាចុងក្រោយនៃការកាត់ផ្តាច់ទំនាក់ទំនងរវាងប្រទេសដែលមានប្រជាជនច្រើនបំផុតទាំងពីររបស់ពិភពលោក។

កាលពីថ្ងៃសុក្រ ទីក្រុងញ៉ូវឌេលី បានអំពាវនាវដល់អាជ្ញាធរប្រទេសចិន ឲ្យមានការសម្របសម្រួលវត្តមាននៅបន្ត នៃក្រុមអ្នកសារព័ត៌មាន ដែលកំពុងធ្វើការ និងរាយការណ៍នៅក្នុងប្រទេសនិងបាន និយាយថា ភាគីទំាងពីរ នៅតែមានទំនាក់ទំនងលើបញ្ហានេះ។

មនុស្សម្នាក់នៅក្នុងប្រព័ន្ធផ្សព្វផ្សាយរបស់ប្រទេសឥណ្ឌាដែលបានដឹងបញ្ហានេះដោយផ្ទាល់ បានប្រាប់សារព័ត៌មាន CNNថា អ្នកសារព័ត៌មាន៣នាក់ក្នុងចំនោម៤នាក់ មកពីប្រព័ន្ធផ្សព្វផ្សាយសារព័រ៌មានធំៗ មានមូលដ្ឋាននៅប្រទេសចិន នៅឆ្នាំនេះត្រូវបានគេលុបចោលការប្រកាសផ្លូវការដោយទីក្រុងប៉េកាំង ចាប់តាំងពីខែមេសា។ ទន្ទឹមនឹងនេះ កាលពីសប្តាហ៍មុន ទីក្រុងប៉េកាំង បាននិយាយថា មានតែអ្នករាយការណ៍ព័ត៌មានជនជាតិចិនតែម្នាក់ប៉ុណ្ណោះនៅក្នុងប្រទេសឥណ្ឌា ដោយសារតែការប្រព្រឹត្តដែលមានការរើសអើង និងមិនយុត្តិធម៌របស់ប្រទេសនេះចំពោះក្រុមអ្នករាយការណ៍ព័ត៌មានរបស់ខ្លួន ហើយទិដ្ឋាការរបស់អ្នករាយការណ៍ព័ត៌មានពុំទាន់ត្រូវបានបន្តថ្មីនៅឡើយ។

អ្នកនាំពាក្យក្រសួងការបរទេសលោកស្រី Mao Ning បាននិយាយនៅក្នុងសន្និសីទសារព័ត៌មាននៅពេលត្រូវបានសួរអំពីការរាយការរបស់សារព័ត៌មាន Wall Street ដែលបានរាយកាណ៍ដំបូងលើការ បណ្តេញចេញអ្នកសារព័ត៌មានពីភាគីទាំងពីរថា ភាគីចិន គ្មានជម្រើសក្រៅពីចាត់វិធានការប្រឆាំងដ៏សមស្របនោះទេ។