ភ្នំពេញ៖ ក្រសួងសុខាភិបាលបានប្រកាសនៅថ្ងៃនេះថា មនុស្ស ៥នាក់ទៀត បានស្លាប់ដោយសារជំងឺកូវីដ-១៩ ខណៈដែលកម្ពុជាបានរកឃើញមនុស្សដល់ទៅ ៤៨០នាក់ទៀតឆ្លងមេរោគកូវីដ-១៩។
ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលបញ្ជាក់ថា មនុស្ស ៤៨០នាក់ទៀត ត្រូវបានរកឃើញឆ្លងមេរោគកូវីដ-១៩ ដែលនាំឱ្យតួលេខអ្នកឆ្លងសរុបកើនឡើងលើស ២០ ២២៣នាក់ហើយនៅត្រឹមថ្ងៃនេះ។
បើតាមក្រសួងសុខាភិបាល ករណីឆ្លងថ្មីនៅថ្ងៃនេះដល់ទៅ ៤៧០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ហើយ ១០ករណីទៀត គឺជាករណីនាំចូលពីក្រៅប្រទេស។
ក្រសួងសុខាភិបាលបានឱ្យដឹងផងដែរថា មនុស្ស ៥នាក់ទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់ដោយសារជំងឺផ្លូវដង្ហើមមួយនេះ កើនដល់ ១៣១នាក់ហើយនៅក្នុងរយៈពេល ៦០ថ្ងៃចុងក្រោយនេះ។
ក្រសួងសុខាភិបាលក៏បានឱ្យដឹងបន្ថែមផងដែរថា អ្នកជំងឺកូវីដ-១៩សរុបចំនួន ៨ ១៧០នាក់ ត្រូវបានព្យាបាលជាសះស្បើយហើយ ក្នុងនោះមានទាំងអ្នកជាសះស្បើយថ្មី ៣៥០នាក់ ដែលក្រសួងប្រកាសនៅថ្ងៃនេះផងដែរ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
