ប្រព័ន្ធដឹកជញ្ជូនសាធារណៈត្រូវបានដុតបំផ្លាញ។ ស្ថានីយបំពាក់ដោយកញ្ចក់សម្រាប់សេវារថយន្តក្រុងអគ្គិសនីថ្មីបានរងការខូចខាត ហើយរោងចក្រផលិតទឹកមួយកន្លែងក៏ត្រូវបានបំផ្លាញ។

ប្រទេសសេណេហ្គាល់ កំពុងពិចារណាយ៉ាងខ្លាំងពីការខូចខាត បន្ទាប់ពីការកាត់ទោសដាក់ពន្ធនាគារលើមន្ត្រីជាន់ខ្ពស់បក្សប្រឆាំងដ៏លេចធ្លោម្នាក់ លោក Ousmane Sonko បានបង្កឱ្យមានភាពចលាចល រយៈពេលបីថ្ងៃកាលពីសប្តាហ៍មុន ជាភាពចលាចលដ៏អាក្រក់បំផុតដែលពុំធ្លាប់បានឃើញក្នុងរយៈពេលជាច្រើនទសវត្សរ៍មកនេះ។

មនុស្សរាប់សិបនាក់បានស្លាប់ និងរាប់រយនាក់បានរងរបួស នៅពេលដែលកងកម្លាំងសន្តិសុខបានប៉ះទង្គិចជាមួយក្រុមបាតុករដែលបានធ្វើបាតុកម្មបន្ទាប់ពីការចេញសាលក្រម។

ក្រុមមនុស្សដែលគប់ដុំថ្មបានគប់ចូលទៅក្នុងផ្សារទំនើប ស្ថានីយប្រេង ធនាគារ និងអគាររដ្ឋបាលនានា។ រថយន្តក្រុងត្រូវបានវាយកម្ទេច ហើយអគារសាកលវិទ្យាល័យត្រូវភ្លើងឆេះ ខណៈអ្នកគាំទ្ររបស់លោក Sonko បានរិះគន់នូវអ្វីដែលពួកគេនិយាយថាជាផែនការនយោបាយ ដើម្បីរារាំងលោកមិនឲ្យឈរឈ្មោះជាប្រធានាធិបតីនៅឆ្នាំក្រោយ។ ប៉ុន្តែ រដ្ឋាភិបាលបដិសេធបញ្ហានេះ។ អំពើហិង្សាដែលបានកើតមានយូរៗម្តងបានផ្ទុះឡើងនៅក្នុងប្រទេសសេណេហ្គាល់ ចាប់តាំង​ពីលោក Sonko ត្រូវបានឃុំខ្លួនជាលើកដំបូងពីបទរំលោភសេពសន្ថវៈក្នុងខែមីនា ឆ្នាំ ២០២១ ជាការចាប់ផ្ដើមនៃរឿងអាស្រូវផ្លូវច្បាប់នៅបន្តដែលអាចមើលឃើញលោកត្រូវបានរារាំងមិនឲ្យឈរឈ្មោះបោះឆ្នោតប្រជាមតិកាលពីខែកុម្ភៈ។ប៉ុន្តែភាពចលាចលកាលពីសប្តាហ៍មុន គឺពុំមានការខូចខាតអ្វីធំដុំនោះទេ។ ការបំផ្លិចបំផ្លាញបានប៉ះពាល់ដល់រចនាសម្ព័ន្ធសាធារណៈ និងអាជីវកម្ម មានចាប់ពីហាង រហូតដល់ធនាគារអភិវឌ្ឍន៍ឥស្លាមដ៏ពេញនិយម។

រដ្ឋាភិបាលបានប៉ាន់ប្រមាណថា ក្រៅពីការខូចខាតនោះ ការតវ៉ាមួយថ្ងៃ អាចធ្វើឲ្យទិន្នផលសេដ្ឋកិច្ចធ្លាក់ចុះ ដែលស្មើនឹងប្រមាណ៣៣លានដុល្លារក្នុងមួយថ្ងៃ។