អ៊ឺរ៉ុប ៖កាលពីថ្ងៃព្រហស្បតិ៍ម្សិលមិញ ក្រុមរដ្ឋមន្រ្តីក្រសួងអន្តោប្រវេសន៍មកពីរដ្ឋសមាជិកទាំង ២៧ប្រទេសរបស់សហ ភាពអឺរ៉ុប បានព្យាយាមសម្រេចឲ្យបានកិច្ចព្រមព្រៀងជាប់គាំង លើវិធីចែករំលែកការទទួលខុសត្រូវចំពោះ​ការទទួល​យក​ជនភៀសខ្លួន និងជនអន្តោប្រវេសន៍ ។ 

កិច្ចព្រមព្រៀងបណ្តោះអាសន្ននៅលើតុ បានកើតមាន ក្រោយជម្លោះដ៏តានតឹងអស់រយៈពេលជាច្រើនឆ្នាំ រវាងបណ្តាល​រដ្ឋសហភាពអឺរ៉ុប ចាប់តាំងពីកិច្ចសហប្រតិបត្តិការរបស់ពួកគេ បរាជ័យកាលពីឆ្នាំ ២០១៥ ស្របពេលដែល​មនុស្សជាង​មួយលាននាក់ ដែលភាគច្រើនរត់ភៀសខ្លួនចេញពីប្រទេសស៊ីរី បានធ្វើដំណើរមកដល់ទឹកដីអឺរ៉ុប ដោយឆ្លងកាត់​តាមសមុទ្រមេឌីទែរ៉ាណេ ។ 

កិច្ចព្រមព្រៀងតាមការរំពឹងទុក នឹងអនុញ្ញាតឲ្យបណ្តាប្រទេសដែលមិនចង់ទទួលយកជនអន្តោប្រវេសន៍ និងជនភៀសខ្លួនមកដល់អឺរ៉ុប ជំនួសការមិនជួយទទួលយកជនភៀសខ្លួនរបស់ពួកគេ ជាមួយនឹងការផ្តល់ជាប្រាក់ សម្ភារៈ ឬបុគ្គលិក ។ 

 អស់រយៈពេលជិត ១ទសវត្សរ៍មកហើយ ដែលបណ្តាប្រទេសនៅសហភាពអឺរ៉ុប ដាក់ការស្តីបន្ទោសលើគ្នាទៅ​វិញទៅមក​ចំពោះ​ការដោះស្រាយការមកដល់ថ្មីរបស់ជនអន្តោប្រវេសន៍ និងជនភៀសខ្លួន ៕