អ្នកឧតុនិយមរដ្ឋាភិបាល បាននិយាយកាលពីថ្ងៃសៅរ៍ថា ភ្លៀងទំនងជាអាចជួយសម្អាតខ្យល់ដែលមានផ្សែងនៅភាគខាងកើតប្រទេសកាណាដា ចាប់ពីថ្ងៃអាទិត្យនេះ ប៉ុន្តែប្រហែលជាមិនអាចទៅដល់ភ្លើងឆេះព្រៃដែលកំពុងឆាបឆេះនៅក្នុងខេត្ត Quebec រហូតដល់ប៉ុន្មានថ្ងៃក្រោយទៀត។

មានភ្លើងឆេះចំនួន ៤២៦ កន្លែងនៅទូទាំងប្រទេសកាណាដាកាលពីព្រឹកថ្ងៃសៅរ៍ ក្នុងនោះចំនួន១៤៤ ក្នុងចំណោមភ្លើងឆេះព្រៃទាំងនោះ គឺនៅទីក្រុង Quebec ។ ភ្លើងឆេះព្រៃនៅប្រទេសកាណាដាកើតឡើងជាទៀងទាត់ក្នុងរដូវក្តៅ ប៉ុន្តែវិសាលភាពនៃការឆាបឆេះឡើងនាពេលបច្ចុប្បន្ន និងការមកដល់មុនទម្លាប់នៃភ្លើងទាំងនេះ គឺមិនធ្លាប់មានពីមុនមកទេ។

ភ្លើងឆេះទាំងនៅឆ្នេរសមុទ្រអាត្លង់ទិក ទាំងនៅឆ្នេរសមុទ្រប៉ាស៊ីហ្វិក បានឆាបឆេះលើផ្ទៃដី ៤,៤ លានហិកតា រហូតមកដល់ពេលនេះ បានបង្ខំប្រជាជនកាណាដារាប់ពាន់នាក់ភៀសខ្លួនចេញពីផ្ទះសម្បែងរបស់ពួកគេ ហើយផ្សែងរាលដាល ដែលបានធ្វើឲ្យក្រុមអ្នកស្រុកចាកចេញពីទីក្រុង តូរ៉ុនតូ (Toronto) ទៅញូវយ៉កដើម្បីគេចពីបញ្ហាផ្លូវដង្ហើម។

អ្នកជំនាញឧតុនិយមសហព័ន្ធលោក Gerald Cheng បានប្រាប់អ្នកយកព័ត៌មានកាលពីថ្ងៃសៅរ៍ថា ភ្លៀងត្រូវបានគេរំពឹងថានឹងមាននៅថ្ងៃអាទិត្យនេះ នៅភាគខាងត្បូងរដ្ឋ Ontario និងភាគនិរតីនៃទីក្រុង Quebec ដែលទំនងជានឹងជួយសម្អាតផ្សែង។

លោក Cheng បាននិយាយថា ភ្លៀងទំនងជានឹងទៅដល់ដល់ផ្នែកភាគខាងជើងបន្ថែមទៀតនៃទីក្រុង Quebec ជាទីដែលភ្លើងឆេះដ៏ធំបំផុតកំពុងឆេះ ដែលបានចាប់ផ្តើមកាលពីថ្ងៃអង្គារ ប៉ុន្តែគេរំពឹងទុកថាអាចនឹងមានកម្រិតភ្លៀងធ្លាក់ត្រឹមតែ ១០ទៅ២០ មីលីម៉ែត្រ ប៉ុណ្ណោះ៕