អេស្ប៉ាញ ៖ ក្រុមអ្នកវិទ្យាសាស្រ្តកោសល្យវិច្ច័យ បានចាប់ផ្តើមគាស់សាកសពជនរងគ្រោះ ១២៨នាក់ ដែលបានស្លាប់ក្នុងសង្រ្គាមស៊ីវិលអេស្ប៉ាញ ។ 

សាកសពរបស់ពួកគេនឹងត្រូវគាស់ចេញពីអតីតចេតិយរបស់លោកឧត្តមសេនីយ៍ Francisco Franco ស្ថិតនៅក្រៅទីក្រុង Madrid ។ 

គួរឲ្យដឹងថា សង្រ្គាមស៊ីវិលអេស្ប៉ាញ បានកើតឡើងចាប់ពីឆ្នាំ ១៩៣៦ រហូតដល់ឆ្នាំ ១៩៣៩ ដែលជាការចាប់ផ្តើម​របបផ្តាច់ការរយៈពេល ៤ទសវត្សរ៍របស់លោក Franco ។ អេស្ប៉ាញបានផ្លាស់មកលទ្ធិប្រជាធិបតេយ្យវិញ ក្រោយ​ការស្លាប់របស់លោក Franco នៅឆ្នាំ ១៩៧៥ ។ 

ប្រតិបត្តិការនេះដែរ គឺជាប្រតិបត្តិការលើកដំបូងពាក់ព័ន្ធនឹងមនុស្សដែលសាកសពរបស់ពួកគេ ត្រូវបានយកពីទីកន្លែង​ផ្សេងទៀតនៅក្នុងប្រទេសអេស្ប៉ាញនៅក្រោយសង្រ្គាម ហើយត្រូវបានបញ្ចុះឡើងវិញដោយគ្មាន​ការយល់​ព្រមពីក្រុមគ្រួសាររបស់ពួកគេនៅក្នុងចេតិយដែលកសាងដោយលោក Franco ៕