ក្រសួងអាកាសធាតុរបស់ប្រទេសឥណ្ឌា បាននិយាយថា ផ្លូវនានា​នឹង​ត្រូវទឹកជន់លិច​នៅ​តាម​ផ្នែក​ខ្លះ​ នៃ​តំបន់ឆ្នេរសមុទ្រក្នុងភាគខាងលិចរបស់ប្រទេសឥណ្ឌា ដំណាំអាចត្រូវរងការបំផ្លិចបំផ្លាញ ហើយ​លំនៅឋានមួយចំនួននឹងត្រូវខូចខាត នៅពេលព្យុះស៊ីក្លូនដ៏គ្រោះថ្នាក់បំផុត ចូលមក​ដល់​ដី​គោក នៅល្ងាចថ្ងៃព្រហស្បតិ៍នេះ ។ 

ក្រសួងឧតុនិយមឥណ្ឌា បាននិយាយកាលពីថ្ងៃពុធថា ព្យុះស៊ីក្លូនដែលមានឈ្មោះថា បៃប៉ចយ (Biparjoy) បានបោកបក់នៅក្នុងសមុទ្រអារ៉ាប់ ក្នុងកម្លាំង២៨០គីឡូម៉ែត្រក្នុងមួយម៉ោង ពី​កំពង់ផែ ចាកខួ (Jakhau Port)នៅក្នុងរដ្ឋហ្គូចារ៉ាត់ (Gujarat) របស់ប្រទេសឥណ្ឌា និង​មាន​ល្បឿន​៣៤០គីឡូម៉ែត្រ ពីទីក្រុងការ៉ាជី (Karachi)ដែលជាទីក្រុងធំបំផុតរបស់ប៉ាគីស្ថាន ។

ខណៈ​ដែលភ្លៀងធ្លាក់ខ្លាំង បានចាប់ផ្ដើមបង្អុរនៅតាមតំបន់ឆ្នេរសមុទ្ររួចទៅហើយនោះ ក្រុម​អាជ្ញាធរ​បាន​ជម្លៀសមនុស្សរាប់ពាន់នាក់ចេញពីលំនៅឋាន។

ចំណែក​រដ្ឋមន្ត្រីទទួលបន្ទុកបម្រែបម្រួលអាកាសធាតុរបស់ប៉ាគីស្ថាន លោក ហ្សឺរី រ៉េម៉ាន់ (Sherry Rehman) បាននិយាយថា ក្នុងទីក្រុងការ៉ាជី ដែលមាន​ប្រជាពលរដ្ឋ​ប្រមាណ​២០​លាន​នាក់ ពុំទាន់ស្ថិតក្រោមការគំរាមកំហែងភ្លាមៗនៅឡើយទេ ប៉ុន្តែវិធានការបន្ទាន់នានា ត្រូវ​បាន​ដាក់​ចេញដើម្បីទប់ទល់ទៅនឹងកម្លាំងខ្យល់ លាយលំជាមួយភ្លៀង ដែលរំពឹងថា នឹង​បោក​បក់​ចូល​មក​ដល់មជ្ឈមណ្ឌលសេដ្ឋកិច្ចមួយនេះ។

ក្រសួងអាកាសធាតុរបស់ប្រទេសឥណ្ឌា បានចាត់ចំណាត់ថ្នាក់ព្យុះស៊ីក្លូន បៃប៉ចយ ថា​ជា​ព្យុះ​កម្រិត​ទីមួយ ជាប្រភេទព្យុះមានកម្រិតបង្កភាពគ្រោះថ្នាក់ធ្ងន់ធ្ងរតិចបំផុតក្នុងកម្រិតទី១ដល់ទី៥៕ អត្ថបទ៖ សុខមាន