បន្ទាប់ពីការវាយប្រយុទ្ធគ្នាដ៏ខ្លាំងក្លាមួយសប្ដាហ៍ ការសាកល្បងពិតប្រាកដនៃការវាយបករបស់ទីក្រុង Kyiv បានឆ្ពោះទៅមុខ ខណៈដែលទាហានអ៊ុយក្រែន មួយចំនួននៅឆ្ងាយពីខ្សែបន្ទាត់ការពារដ៏រឹងមាំរបស់រុស្ស៊ី និង ការត្រៀមកម្លាំងយ៉ាងច្រើនសម្រាប់ការវាយរុលទៅមុខដែលនៅតែជាប់គាំង ។

អ៊ុយក្រែន បានវាយប្រហារទៅលើតំបន់ចំនួន២ ក្នុងសមរភូមិមុខនៅភាគអាគ្នេយ៍ កាលពីសប្ដាហ៍មុន ខណៈចាប់ផ្ដើមដំណាក់កាលសំខាន់នៃសហប្រតិបត្តិការដែលខ្លួនបានរង់ចាំជាយូរមកហើយដែលមានសេចក្ដីរាយការណ៍ពការដណ្ដើមបានភូមិចំនួន៧មកវិញ ប៉ុន្តែក៏បានបាត់បង់ផងដែរ រួមទាំងរថយន្តប្រយុទ្ធ និងរថក្រោះរបស់លោកខាងលិច។

លោក Rob Lee អ្នកស្រាវជ្រាវជាន់ខ្ពស់មួយរូបនៅវិទ្យាស្ថានស្រាវជ្រាវគោលនយោបាយ​ការបរទេស មានមូលដ្ឋាននៅសហរដ្ឋអាមេរិក និងជាអ្នកវិភាគមួយរូបក្នុងចំណោមអ្នកវិភាគ​ជាច្រើន ដែលបានរាយការណ៍ពីការខាតបង់ទាំងសងខាងផ្អែកតាមផ្កាយរណប និងភស្តុតាងរូបភាពក្រាហ្វ្រិក បាននិយាយថា ភាគីជម្លោះទាំង២កំពុងបាត់បង់យ៉ាងច្រើន ។

បញ្ហាប្រឈមសម្រាប់ប្រទេសអ៊ុយក្រែន គឺ មុនពេលកងទ័ពរបស់ខ្លួនចូលទៅដល់ខ្សែបន្ទាត់​ការពាររបស់រុស្ស៊ី ពួកគេត្រូវខាតបង់យ៉ាងច្រើន​សម្បើម ហើយក៏លំបាកខ្លាំងណាស់ដែរ​ក្នុងការចូលទៅដល់​ និងដណ្ដើមបាននោះ ។

លោកប្រធានាធិបតី Volodymyr Zelenskiy បាននិយាយថា គ្រឿងយុទ្ធោបករណ៍របស់លោកខាងលិច ដូចជា រថក្រោះប្រយុទ្ធ និងរថពាដែកជាដើមនោះគួរតែ​ជួយ​ការពារអាយុជីវិតទាហានអ៊ុយក្រែន។

ប្រទេសរុស្ស៊ី បានត្រៀមមូលដ្ឋានការពាររាប់ពាន់កន្លែង ចាប់ពីជាយគ្រប់ច្រកល្ហកភាគខាងលិច​របស់រុស្ស៊ី ទៅកាន់តំបន់គ្រីម៉េ នៅលើសមុទ្រខ្មៅ ​ រួមទាំងចំការមីន ការជីកលេណដ្ឋានប្រឆាំង​រថក្រោះ រនាំង និងលេណដ្ឋានចាក់បេតុងក្រាស់ៗ ដែលហៅ​ចង្កូមនាគរាជ៕