អាមេរិក៖ មនុស្ស៤ នាក់ដែលដឹងពីរឿងនេះបានប្រាប់សារព័ត៌មានរ៉យទ័រ (Reuters)ថាក្រុមហ៊ុន Alphabet Inc GOOGL.O កំពុងព្រមានបុគ្គលិករបស់ខ្លួនអំពីរបៀបដែលពួកគេប្រើកម្មវិធីជជែកកម្សាន្តតាមអ៊ីធឺណិត ឬ chatbots រួមទាំងកម្មវិធី Bardក្នុងពេលដំណាលគ្នា ដែលក្រុមហ៊ុនធ្វើទីផ្សារកម្មវិធីនេះជុំវិញពិភពលោក។   

មនុស្សជាច្រើនបាននិយាយថា ក្រុមហ៊ុនមេ Google បានណែនាំដល់និយោជិកកុំឲ្យបញ្ចូលឯកសារសម្ងាត់របស់ខ្លួនទៅក្នុងបញ្ញាសិប្បនិម្មិត (AI chatbots) ហើយក្រុមហ៊ុនបានបញ្ជាក់ ដោយលើកឡើងពីគោលការណ៍យូរអង្វែងលើការការពារព័ត៌មាន។  

chatbots ស្ថិតក្នុងចំណោមកម្មវិធី Bard និង ChatGPT គឺជាកម្មវិធីសំឡេងរបស់មនុស្សដែលប្រើនូវអ្វីដែលគេហៅថា បញ្ញាសិប្បនិម្មិតជំជាន់ថ្មី(generative Artificial Intelligence) ដើម្បីសន្ទនាជាមួយអ្នកប្រើប្រាស់ និងឆ្លើយសំណួរនានា។ អ្នកត្រួតពិនិត្យជាមនុស្ស អាចអាននូវការជជែកគ្នាផ្សេងៗ ដែលលេចជាអក្សរ ហើយក្រុមអ្នកស្រាវជ្រាវបានរកឃើញថាបញ្ញាសិប្បនិម្មិតស្រដៀងគ្នានេះ អាចផលិតឡើងវិញនូវទិន្នន័យដែលវាបានស្រូបចូលទៅអំឡុងពេលហ្វឹកហាត់ បង្កើតឲ្យមានហានិភ័យនៃការលេចធ្លាយព័ត៌មាន។

មនុស្សមួយចំនួនបាននិយាយថាក្រុមហ៊ុន Alphabet ក៏បានដាស់តឿនវិស្វកររបស់ខ្លួនផងដែរឲ្យជៀសវាងការប្រើដោយផ្ទាល់នូវលេខសម្ងាត់កុំព្យូទ័រដែលកម្មវិធី chatbots អាចបង្កើតបាន ។    

នៅពេលស្នើសុំការអត្ថាធិប្បាយ ក្រុមហ៊ុនបាននិយាយថាកម្មវិធីជជែកកម្សាន្ត Bard អាចស្នើបង្កើតលេខកូដសម្ងាត់ដែលមិនចង់បាន ប៉ុន្តែទោះយ៉ាងណាក៏ដោយ ក៏វាជួយដល់ក្រុមអ្នកសរសេរកម្មវិធី បានដែរ។ ក្រុមហ៊ុន Googleក៏បាននិយាយផងដែរថា ខ្លួនមានគោលបំណងឲ្យមានតម្លាភាពអំពីដែនកំណត់នៃបច្ចេកវិទ្យារបស់ខ្លួន ៕