​លោកស្រី Erasmia Roumana គឺជា​អ្នកតំណាង​ឧ​ត្ត​ម​ស្នងការ​ទទួលបន្ទុក​ជ​ន​ភៀសខ្លួន​អង្គការសហប្រជាជាតិ (UNHCR) ប្រចាំ​នៅក្នុង​ប្រទេស​ក្រិ​ក បាន​និយាយ​រៀបរាប់​ពី​ភាពវឹកវរ​នៅលើ​ទូក​ដែល​បាន​លិច​ជិត​តំបន់ឆ្នេរ​ប្រទេស​ក្រិ​ក ដែល​បណ្តាល​ឲ្យ​មនុស្ស ៧៨​នាក់ បាត់បង់​ជីវិត ។

​លោកស្រី Roumana និយាយថា ព័ត៌មាន​ទទួលបាន​ពី​ជនអន្តោប្រវេសន៍​បាន​និយាយ​ពី​ស្ថានភាព​មនុស្ស​ច្រើន​នៅលើ​ទូក អស់​រយៈពេល​ជាច្រើន​ថ្ងៃ មុនពេល​សញ្ញា​អាសន្ន​ត្រូវបាន​បញ្ជូន​ចេញពី​ទូក ។

​ថ្លែង​នៅ​កំពង់ផែ Kalamata ជា​កន្លែង​ដែល​អ្នក​រស់រាន​រាប់សិប​នាក់​ទទួលបាន​ការព្យាបាល​នៅក្នុង​ឃ្លាំងទំនិញ​នោះ លោកស្រី Roumana និយាយថា អ្នក​រស់រាន​ទទួលរ​ង​បញ្ហា​ផ្លូវជាតិ​ជាង​បញ្ហា​ផ្លូវកាយ ហើយ​ពួកគេ​នៅតែ​ព្រួយបារម្ភ​ពី​ការស្វែងរក​ជោគវាសនា​របស់​អ្នកដំណើរ​ដែល​នៅ​បាត់​ខ្លួន ។

​លោកស្រី Roumana​និយាយថា ជនអន្តោប្រវេសន៍​ទាំងនេះ នឹងត្រូវ​បញ្ជូន​ទៅកាន់​ទីក្រុង​អា​តែ​ន របស់​ប្រទេស​ក្រិ​ក ដើម្បី​ចុះបញ្ជី ហើយ​និង​អាចដាក់​ពាក្យសុំ​សិទ្ធិ​ជ្រកកោន ។

​លោកស្រី​បន្តថា ការធ្វើដំណើរ​ប្រកបដោយ​គ្រោះថ្នាក់​បែបនេះ នឹងមិន​បញ្ចប់​នោះទេ ហើយ​ជនអន្តោប្រវេសន៍ នៅតែ​ស្វែងរក​ផ្លូវ​ដើម្បី​ចាក​ចេញពី​សង្គ្រាម និង​ការ​សង្កត់សង្កិន​បើទោះបីជា​ពួកគេ​ត្រូវ​ធ្វើដំណើរ​ឆ្លងកាត់​សមុទ្រ​ដ៏​គ្រោះថ្នាក់​ក៏ដោយ ៕​