ចិន ៖ ប្រធានាធិបតីចិន លោក Xi Jinping បានជួបជាមួយរដ្ឋមន្ត្រីការបរទេសអាមេរិកលោក Antony Blinken នៅមហាសាលប្រជាជន។

លោកប្រធានាធិបតី ស៊ី បាននិយាយថា លោកនាយកការិយាល័យកិច្ចការបរទេស វ៉ាងយី និងទីប្រឹក្សារដ្ឋ លោក Qin Gang បានអធិប្បាយអំពីកិច្ចពិភាក្សារបស់ពួកគេជាមួយរដ្ឋមន្ត្រីការបរទេសលោក Blinken ក្នុងមធ្យោបាយដោយ​ឥតលាក់​លៀម និងស៊ីជម្រៅ។

ភាគីចិន បានបង្កើតជំហរច្បាស់លាស់ ហើយភាគីទាំងពីរ បានព្រមព្រៀងធ្វើទៅតាមការយោគយល់រួមគ្នា ដែលប្រធានាធិបតីសហរដ្ឋអាមេរិកលោក Joe Biden និងខ្ញុំ បានសម្រេចនៅកោះបាលី។

ភាគីទាំងពីរបានធ្វើឲ្យមានការរីកចម្រើននិងបានឈានដល់កិច្ចព្រមព្រៀងលើបញ្ហាជាក់លាក់មួយចំនួន។

អន្តរកម្មរដ្ឋនិងរដ្ឋ នឹងតែងតែមានមូលដ្ឋានលើការគោរពនិងស្មោះត្រង់គ្នាទៅវិញទៅមក។ ខ្ញុំសង្ឃឹមថា រដ្ឋមន្ត្រីលោក Blinken តាមរយៈដំណើរទស្សនកិច្ចនេះ អាចបង្កើតការរួមចំណែកជាវិជ្ជមាន​ដើម្បីធ្វើឲ្យមានស្ថិរភាព​ទំនាក់ទំនងចិន-អាមេរិក។